Незири: Ребрендирањето и внатрешната реформа е вовед во посуштинска коалиција меѓу СДСМ и ДУИ

You must need to login..!

Опис

-На 19. роденден на ДУИ започнуваме нова политика, нов начин на водење политика и директно дејствување, политика за еколошка правда и квалитетен живот. Зелената агенда станува дел од Демократската унија за интеграција”, рече во саботата (5 јуни 2021) во обраќањето по повод роденденот на партијата лидерот на ДУИ Али Ахмети, објавувајќи ја зелената агенда како нејзин дел на локалните избори.

Ахмети истакна дека тој и неговите соработници веќе се фокусираат целосно на квалитетот на животот, условите за живот, развојот, квалитетно образование и здравство, неселективна правда, дигитализација, социјални политики, инфраструктура, економија и животна средина.

Во обраќањето тој ги нотираше проектите и активностите кои ДУИ ги има реализирано во текот на своето постоење.

-Воспоставивме еднаквост преку целосна имплементација на Охридскиот мировен договор, легализација на високото образование на албански јазик, децентрализација, национални симболи и култура, албански јазик, правична и соодветна застапеност, интеграција во НАТО, добивањето зелено светло за членство во ЕУ, заедно со многу други предности на нашите граѓани, рече Ахмети.

Новинарот и аналитичар Џелал Незири од СКУП за Утрински брифинг изјави дека случувањата во ДУИ не се само ПР, иако има градоначланици од ДУИ кои делуваат во спротивност на новата агенда на партијата.

Ова е еден вид на трасирање на пат низ кој ќе се движи ДУИ во следните 20 години. Ова беше многу порано најавено, дека ДУИ ќе почне да се реформира кадровски за следните две декади, потоа доаѓаа информации дека ДУИ размислува д асе реформира и концептуално, но искрено никој не очекуваше дека ДУИ, со еден познат бекраунд, од една герила која во 2001 година учестуваше во конфликт, па потоа се реформираше во политичка партија со етничка агенда пред себе, на крај да се реформира во една зелена партија која во сржта е ненасилна и мировна партија. Зелените секаде се познати како движења кои се против војните и за промовирање на мирот. Оваа визија мислам дека е добра за оваа партија. Така што не верувам дека е само ПР, туку една кауза која ќе биде главна тема на ДУИ во наредниот период, вели Незири.

Кога промовирате нова политика, за спроведување на истата ви требаат луѓе кои ви веруваат во таа идеја. не можете истите луѓе кои до вчера го правеа спротивното од сега да почнат да работат во заштита и конзервирање на природата. Со оваа нова политичка идеја на ДУИ, ќе биде неопходно и неминовно партијата да се реформира внатрешно. Карактеристика на зелените партии е отвореноста за социјалните групи и движења, така што оваа отвореност мора да биде карактеристика на ДУИ, така што очекувам доекипирање и дореферморање на партијата со цел идејата да биде конкретизирана, смета Незири.

Целиот разговор погледнете го во видеото

Напишете коментар

Вашата адреса за е-пошта нема да биде објавена. Задолжителните полиња се означени со *

nine + sixteen =