На 3 јуни на Школка во парк ќе се промовираат три нови романи за деца

You must need to login..!

Опис

Познатите македонски писатели Венко Андоновски, Винка Саздова и Јагода Михајловска – Георгиева за прв пат напишаа романи за деца. Промоцијата на трите романи ќе се случи во четврток на трети јуни во Градскиот парк на Школка. Настанот насловен како „Качи се на ѕведите со Стела и Сани – на небото трепкаат нови книги“ кој ќе започне во 18 часот, беше повод за гостување во Утрински брифинг на уредничката на издавачкиот центар „ТРИ“, Милена Сиљаноска.

– Станува збор за еден забавен настан во рамки на кој ќе читаме, ќе пееме и ќе се забавуваме, но и ќе ги промовираме трите нови книги од три истакнати автори на македонската книжевна сцена. Се ова е дел од проектот „Стела и Сани“, првите анимирани херои. Ликовите се провлекуваат во сите романи, но разликата е во тоа што се наменети за различни возрасти. За публика од 8 до 10 години а наменет романат на Јагода Михајловска- Георгиева „Ѕвездена џунгла“, за децата од 10 до 12 години е наменет романат „Ти носам пустински песок“ на Винка Саздова, додека романот „Имаш пчела на носот“ од Венко Андоновски е наменет за тинејџери, објаснува Сиљаноска.

За прв пат ќе има и прмоција на целата едиција „Стела и Сани“ сликовници напишани од Бистра Георгиева и илустрирани од Катерина Николовска. Настанот ќе го води Игор Ангелов, а децата од сите возрасти ќе се забавуваат и со песна, игра, работилница и магионичари.

– Сè ова е со цел да се направи чекор понапред во литературата за деца и млади кои заслужуваат квалитетна книжевност, посебно за тинејцерите кои да бидеме искрени имаат многу мал избор на литература соодветна за нивната воздраст, и честопати избираат или литература за деца или пак литература за возрасни, несоодветна за нив, вели Сиљаноска.

Напишете коментар

Вашата адреса за е-пошта нема да биде објавена. Задолжителните полиња се означени со *

10 + 2 =