Најдобрите студенти денеска ќе добијат инженерски прстен

You must need to login..!

Опис

Инженерската институција на Македонија и Комората на овластени архитекти и овластени инженери, под покровителство на Претседателот на Македонија, Стево Пендаровски, денеска по 18-ти пат ќе го доделат признанието Инженерски прстен на најдобрите дипломирани инженери.

Проф. Д-р. Христина Спасевска, претседателка на Инженерската институција на Македонија денеска во Утрински брифинг зборуваше за честа да се добие една ваква престижна награда, но и строгите критериуми за ова  големо признание.

– Денеска наградата ќе ја добијат 12 најдобри млади инженери што дипломирале минатата година. Станува збор за инженери од три универзитети, Св. „Кирил и Методиј“, „Климент Охридски“ и „Гоце Делчев“. За прв пат оваа година признание ќе добие и најдобриот дипломиран студент од Природно математичкиот факултет. Идејата со која пред 18 години започна оваа манифестација е да се покажеме дека инженерството е важна и значајна професија во државата.Јас лично верувам дека ова признание, инженерскиот прстен има  голема улога во нивната понатамошна кариера, вели проф. Спасевска.

Златниот инженерски прстен, составен дел на признанието, содржи круна од дабови лисја во која што се вградени знаците на Инженерската институција на Македонија  и Комората на овластени архитекти и овластени инженери. Тоа е 8-крака ѕвезда што го претставува знаењето и синергијата од сите инженерски дисциплини. Дабовите лисја во макeдонската традиција од дамнина се симбол за чест и достоинство на носителот.

– Од почеток, како место за доделување на признанието е избран Плаошник, со симболика, постојано со најдобрите да се навраќаме на Светиклиментовиот универзитет, во лулката на сесловенската писменост и култура. Но во услови на пандемија, која секако не промени нас и светот околу нас, манифестацијата и оваа година се одржува во Кабинетот на Претседателот на Република Северна Македонија, објаснува претседателката на Инженерската институција на Македонија, Христина Спасевска.

Напишете коментар

Вашата адреса за е-пошта нема да биде објавена. Задолжителните полиња се означени со *

11 − 3 =