Народниот правобранител се надева дека МОН позитивно ќе реагира на забелешките во однос на протоколите во наставата

You must need to login..!

Опис

Деновиве Народниот правобранител испрати допис до Министерството за образование и наука во врска со начинот на следење на наставата за време на пандемија. Народниот правобранител самоиницијативно отвори предмет на оваа тема, оти една од неговите надлежности е и зачувување на правата на децата. Правото на образование е едно од нив.

-Лани бевме неспремни за почетокот на учебната година, но годинава имавме време да се подготвиме, вели за Утрински брифинг Васка Бајрамовска-Мустафа, заменик народен правобранител.

Таа информира дека Народниот правобранител и годинава добива поплаки за начинот на одвивање на наставата на почетокот на учебната година.

-Годинава почна подобро, донесени се протоколи за спроведување на наставата да биде безбедна, но тешко е да се реализираат тие протоколи. Едно е на хартија, друго е во практика, вели Бајрамовска-Мустава за Утрински брифинг.

Главните поплаки што ги добива Канцеларијата на Народниот правобранител се однесуваат на долготрајното носење маски, одржувањето на хигиената и неможноста да се контролираат децата да внимаваат на протоколите.

-Учениците се деконцентрирани оти часовите траат предолго за да можат за сето време да ги носат маските. Тоа предизвикува деконцентрација, а кај помалите ученици родителите имаат проблем да ги натераат да одат на училиште и да следат настава под вакви услови. Оттука, нашата препорака до МОН е да се скратат часовите, како и да им се дозволи на директорите самите да ги организираат часовите онака како што налагаат нивните можности, вели Бајрамовска-Мистафа за Утрински брифинг.

Освен ова Народниот правобранител реагира за исклучувањето на децата со попреченост од наставата оти годинава ним не им се овозможени образовни асистенти. Исто така проблем се појавува и со децата кои од одредени причини следат онлајн настава – едноставно нема услови за тоа.

-Секое дете мора да има квалитетна и безбедна настава и образование. Но, една е состојбата во големите градови, а сосема друга во помалите. Ги повикуваме од МОН да појдат на терен и да проверат како стојат состојбите во помалите места. Според наши сознанија, ретко каде во малите места се почитуваат протоколите, вели Бајрамовска-Мустафа за Утрински брифинг.

Таа како проблем ја истакна и обврската што им се наметнува на родителите и наставните самите да обезбедуваат средства за хигиена, бидејќи не им е обезбедена како што би требало и да биде. Бајрамовска-Мустафа вели дека Мон би требало сериозни да ги сфати препораките на Народниот правобранител оти се произлезени од увид на терен и разговори со засегнатите страни – наставниците, родителите и децата.

Напишете коментар

Вашата адреса за е-пошта нема да биде објавена. Задолжителните полиња се означени со *

four × 1 =