Муцунски: Зеленото европско светло е колективен успех, не е заслужна само една партија

You must need to login..!

Опис

Тоа што Европската Унија оцени дека Македонија докажала способност да го започне долгоочекуваниот процес на преговори, кој треба да доведе до полноправно членство во ЕУ, според меѓународниот секретар на ВМРО ДПМНЕ, Тимчо Муцунски, е колективен успех на сите кои изминатите 20 години работеа на евроинтегративниот процес.

Муцунски во Утрински брифинг, изјави дека неговата партија никогаш не била против дека успехот радува, но дека сериозните прашања следуваат допрва, а се сомнева во капацитетот на власта предводена од СДСМ.

„Имаше честитка од ВМРО-ДПМНЕ. Да, ова е голем успех, нешто на што работевме изминативе 20 години. Ова е колективен успех, не само на една партија. Се работи за луѓе и поединци кои се посветиле на ова прашање, се вложиле и давале совети во процесот на евроинтеграциите. Ова е успех и на бизнис заедницата и на академската заедница и на многу други. Уште од првиот конгрес ВМРО-ДПМНЕ дал согласност за станување дел од Европа. А за нас е важно што побрзо да имаме датум за формално отпочнување на преговорите и доколку не се случи во мандатот на оваа власт, граѓаните да бидат спокојни бидејќи следната Влада предводена од ВМРО-ДПМНЕ, ќе се заложи за тоа“, вели Муцунски.

Прашан за критиките упатени од опозицијата до власта, Муцунски вели, во нормален политички систем, очекувано е опозицијата да критикува една влада, но го потенцираа ставот дека Владата немала капацитет за сериозни реформски активности.

„Тоа се виде во повеќе области. На пример правосудната реформа? Дали има правна предвидливост во постапките кои се водат? Имајќи ја в предвид новата рамка со приоритетни апсекти, сметаме дека се потребни подлабоки и покоренити реформи и на тоа ќе дадеме сериозен фокус не само во програмата за изборите“, изјави тој.

Тој нагласува дека економските мерки ВМРО-ДПМНЕ ги претставува во оваа криза во борбата против Ковид 19 се економска визија, а мерките на власта ги нарече „гол популизам“.

„Рајнхард Прибе во своите Итни реформски реформи како една од најголемите заложби ја имаше одделување на партијата од државата. А неодамна видовме како лидер на партија се прави де факто диригент на економската политика. Во делот на платата на администрацијата, се работи за сосема погрешен чекор за радикално намалување на платите на една голема група граѓани и тоа ќе биде контрапродуктивно за економските варијабили, земајќи в предвид со каква криза се соочуваме. Сите влади беа проактивни а нашата реактивна. Загрижувачки е кога гледате дека имаше одредени најави по кој банкарскиот сектор креираше свои политики врз основа на тие најави и после радикално се најавуваат мерки по кои бизнис заедницата нагло ги менува своите проекции преку ноќ. Ние понудивме пакет кој ќе биде во интерес на нашите граѓани а не да има поделби на приватен и јавен сектор, бидејќи следува глобална рецесија и ние ќе бидеме подложни на сериозно економски удари“, вели меѓународниот секретар на најголемата опозициска партија.

Тимчо Муцунски ипати силни критики кон СДСМ бидејќи кога партијата била во опозиција, се залагала за едно, а сега се однесувала како тогашната власт, што спорд него треба да подлежи на силна критика во јавноста.

Напишете коментар

Вашата адреса за е-пошта нема да биде објавена. Задолжителните полиња се означени со *

two × five =