Муслиу: На 27 април се нападна највисоката политичка институција во парламентарната демократија – без да се осуди тоа никој не може да се движи напред

You must need to login..!

Опис

На 27 април, пред влегувањето на Парламентот не знаевме во кој правец се движиме како држава. Дојдовме до пикот на политичката криза, имавме протести кои повикуваа на насилство. Се влезе во Парламентот, не знаевме во кој правец се движи државата. Во секој случај сега знаеме во кој правец се движиме, независно дали движењето оди брзо, споро, со или без проблеми, но сепак патеката ни е многу појасна и во таа смисла не мможеме да збориме за генерална нестабилност во државата. Ние сме такво општество, независно дали има големи или мали проблеми сите ги зголемуваме до пукање на балон. Но како држава мислам дека таа фаза сме ја надмиле. Така што од тој аспект може да гледаме позитивно на работите, изјави во Утрински брифинг политичкиот аналитичар, Алберт Муслиу.

Има многу причини, прашањаа и политички теми за кои може да се соберат луѓето. Но 27 април не е тема. Било кое поддржување, охрабрување на тоа што се случи значи недостаток на креативност и безперспективност. Тоа е нешто што сите треба да го осудат. Без да се осуди тоа никој не може да се движи напред. Не може да живееме во парламентарна демократија, а да се враќаме на менталитетот на монизмот. Ова е парламентарна демократија. На 27 април пред четири години се нападна највисоката политичка институција во парламентарната демократија. Имаме уште да учиме, не дека сме тазе, но никако некои менталитетски работи да ги промениме, смета Муслиу.

Не може да се оди во еден правец без да се дефинираат работите. Секое враќање со поддршка на таа тема која беше и причината за 27 април значи неможност за потполна соработка со албанската опозиција. Заев успеа да направи исчекор со стратегијата едно општество за сите. Но без ВМРО-ДПМНЕ да направи ваков исчекор ќе биде во неконкурентна позиција во однос на СДСМ во однос на пошироко коалицирање. И албанските гласачи од 2016 јасно кажаа дека не може политичките партии да имаат дијаметрално спротивни позиции, а после изборите тоа да им го простат, додава Муслиу.

Целиот разговор погледнете го во видеото

Напишете коментар

Вашата адреса за е-пошта нема да биде објавена. Задолжителните полиња се означени со *

four × 3 =