Морачанин: Се откажавме од средствата за изборите бидејќи солидарноста е еден од основните принципи на ДОМ

You must need to login..!

Опис

Бидејќи солидарноста е еден од основните принципи на зелената партија ДОМ, минатата седница е донесена одлуката партијата да се откаже од паричните средства за изборите кои беа закажани за 12.април па одложени поради пандемијата со вирусот Ковид 19.

Ова денеска во Утрински брифинг го потенцираше Маја Морачанин, претседателка на ДОМ.

„Минатата седница донесовме одлука да се откажеме од средствата. За нас солидарноста е една од основните вредности. И во други прилики, не само сега, мислиме дека секој денар е драгоцен и треба да биде наменет на здравството. Тоа е избор на секоја политичка партија. Сметаме дека сега треба сите да бидеме солидарни на секој можен начин, не само поради корона-вирусот туку и поради социо-економските последици, особено што ќе бидат засегнати најранливите категории и ова е наш мал придонес“, изјави Морачанин.

Според неа, интересот на граѓаните е во надминување на кризата со корона, а во однос на одржувањето на изборите, вели, тоа сега не е приоритет и добро е што се одложени.

Физичките партиски активност се откажани, но префрлени се на онлајн комуникација.

„Ги одржуваме контактите со нашите општински организации и со Извршниот одбор, преку Скајп, преку Интернет, односно социјалните мрежи“, брифираше Морачанин.

Во однос на НАТО и ЕУ, таа вели, тие секако се теми од интерес, бидејќи се историски достигнувања, а напомена дека тоа е стратешкиот правец на државата, односно отпочнување на преговорите со ЕУ.

Морачанин лично смета дека Македонија одлично се справува со заканите од корона епидемијата, односно дека навремено биле преземени мерките.

„Благодарна сум до сите здравствени работници, како и до сите оние кои се секојдневно ангажирани, полицијата, армијата, вработените во маркетите. Мислам дека и граѓаните за разлика од почетокот, сега ја сфатија ситуацијата и тоа е начинот, сите да се придружуваат до мерките“, изјави Морачанин во Утрински брифинг.

Напишете коментар

Вашата адреса за е-пошта нема да биде објавена. Задолжителните полиња се означени со *

four × two =