Молеровиќ: Со сексуалното образование е – знаеме што сакаме, а не знаеме како

You must need to login..!

Опис

За тоа дали се загрози квалитетното сексуално образование со скандалот со кампот со извидници во Утрински брифинг разговаравме со познатиот педагог Наде Молеровиќ.

-Она што мене ме стави во дилема е дали родителите и децата биле доволно запознаени за содржините и начините на кои ќе се изведува тој камп. Не знам ни ние колку имаме вистински информации што се случувало во тој камп. Лично сметам дека темата за сексуалното образование е добра и корисна но важно е да ја спроведуваат квалитетни наставници кои се експерти за оваа област.

Што значи квалитетно сексуално образование во услови кога има голем отпор?

-Ако ние возрасните треба да бидеме авторитети тогаш треба да бидеме многу вешти во пренесување на знаењето оти децата тоа го препознаваат. Треба да оставиме прво родителите да ги запознаат со оваа тема. Имаме теми за кои не се разговара, а за сексуалното образование родителите не се добро информирани па реагираат и се против. Треба прво да се запознаат наставниците, па родителите и учениците, вели Молеровиќ.

-Не е поентата први да ја направиме реформата, битно е да биде добра. Родителите мора да бидат вклучени во реформите. Нормално е родителите да имаат различно мислење. Но, треба да се остави да искажат каков е нивниот предлог. Оти наш интерес е домашното воспитание да се дополни на училиште и да го постигнеме она што го сакаме, вели Молеровиќ.

Знаеме што сакаме, а не знаеме како. Поентата е да се сослушаме и да споделиме информации, заклучува Молеровиќ за Утрински брифинг.

Целиот разговор погледнете го во видеото

Напишете коментар

Вашата адреса за е-пошта нема да биде објавена. Задолжителните полиња се означени со *

12 + eight =