Младите и нивните визии за регионов наспроти „слухот“ на политичарите, разговор со Стојчески од Младински Сојуз Крушево

You must need to login..!

Опис

Како организација постоиме 21 година. Имаме четири оски на приоритетит, од која прва и најважна е регионална соработка и помирување. Одбравме таков пристап, бидејќи ниедна земја во опкружувањето, без разлика дали е членка на ЕУ или не, не може да биде просперитетна и стабилна ако опкружувањето е нестабилно и назадувачко. Нашите држави имаат заеднички нешта, и многу пати и добрите и лошите работи се префрлаат едни на други по принцип на врзани садови. Како пример ќе ја земам невработенсто. Нашите млади луѓе ќе отидат во некои од соседните држави и ќе работат на црно, а со тоа ќе го „пореметат“ пазарот на работна сила таму. Втората оска на приоритети е малдинско учество и мотивирање на младите за вклучување во процесите на одлучување на локално, регионално и национални ниво. Трето е можноста за самовработување и мотивирање на младите за креирање на сосптвеното работно место, изјави во Утрински брифинг Методија Стојчески, извршен директор на Младински Сојуз Крушево.

Пандемијата на Ковид-19 значително го комплицираше функционирањето, како на целокупното општество, така и на НВО заедницата. Физички настани, посебно од меѓународен карактер е скоро невозможно да се имплементираат. Од друга страна пак, помирување и меѓусебно поврзување е многу тешко да се направи онлајн. После долги разговори и разгледување на различни модели и начини како да ја имплементираме нашата конференција со цел да задржиме континуитет, а воедно да понудиме и интересни содржини за младите во ова време на рестрикции и ограничувања, избравме таканаречен „хибриден модел“ на настан. Имаме минимум 58 учесници и ја одржуваме од 2003 година наваму. Некои од учесниците се сега политичари и носители на одлуки во нивните држави, па тие и ни помагаат, вели Стојчески и додава дека на Блакнот му е потребен еден долгорочен пристап и работа со младите генерации.

Младите учејќи историја која што не е усогласена помеѓу државите во регионот, си гаат некој романтизам кој одреден момент, период во историјата. Има млади луѓе кои се заинтересирани и со нив е многу полесно да се работи, но мора да се насочиме кон „обичните“ млади луѓе кои може да најдеме по спортски кладилници, кафиќи…и да се поразговара со нив.

Нашата идеја почна 2008 после Самитот во Букурешт, после ветото, кога се влошија односите помеѓу Македонија и Грција. Почнавме претпазливо, за на крај да увидиме дека младите сакаат да разговараат за заеднички проблеми, а не за она што ги дели. Со потпишувањето на Преспанскиот договор е предвидено формирање на канцеларии за билатерална младинска соработка. Процесот е во тек и го следиме примерот на Германија и Франција. Но што е различно кај нас за разлика од Германија и Франција. Кај нас процесот е инициран од младите луѓе и им се предлага на владите, а не обратно.

Целиот разговор со Методија Стојчески, извршен директор на Младински Сојуз Крушево

Напишете коментар

Вашата адреса за е-пошта нема да биде објавена. Задолжителните полиња се означени со *

three × two =