Милошоски: Нашиот хендикеп во односот со Бугарија е немањето консензус дома

You must need to login..!

Опис

Се надевам дека на денешната расправа на Комисијата за надворешни работи ќе биде присутен министерот Бујар Османи затоа што тоа не е лично желба на еден министер туку е законска обврска. Во нормалните демократии не мора со протести и притисок од јавноста да издејствувате министер да се појави во парламентот туку доволно е самиот министер или Владата да има чувство на одговорност дека пратениците се избрани од граѓаните токму за да ја контролираат и прашуваат власта како работи. За вакви крупни прашања како што се евроинтеграциите , блокадите од страна на Бугарија и злоупотребата на договорот за добрососедство и пријателство сметам дека Владата требаше многу порано да отвори дискусија во Собранието за македонското Собрание да изгради една заедничка позиција.

Она што го има Бугарија, заедничка позиција за националните прашања за жал Македонија го нема заради неспособноста на власта да изгради консензус. Тоа сметам дека е нашиот хендикеп во односот и со Бугарија но и во евроинтеграциите, изјави за УБ пратеникот од редповите на ВМРО – ДПМНЕ и претседател на Комисијата за надворешна политика, Антонио Милошоски.

Целиот разговор погледнете го во видеото

Напишете коментар

Вашата адреса за е-пошта нема да биде објавена. Задолжителните полиња се означени со *

4 + fifteen =