Милевска: Ако со техничка влада Бугарите не ја поместуваат позицијата, не гледам зошто Радев би ја земал таа одговорност на свои плеќи

You must need to login..!

Опис

И покрај охрабрувачките тонови и обидите да се убеди Бугарија да го тргне непринципиелното вето за Северна Македонија, Скопје и Тирана повторно остануваат пред вратите на ЕУ без можност да ги започнат преговорите за кои ги исполнија сите услови.

Дискусијата за проширувањето и посебно за Северна Македонија била бурна на вчерашниот Совет за општи работи на ЕУ. Германија, Словачка и бројни други земји инсистирале Бугарија да го отстрани ветото за Северна Македонија кое почива врз билатерален конфликт и за кое ЕУ смета дека не му е место во ЕУ.

Бугарскиот претставник ги обвинил своите колеги дека не ја разбираат „длабочината” на проблемот помеѓу Скопје и Софија и не покажал флексибилност, повикувајќи се на претстојните избори во Бугарија во јули. Иако ниту политичка влада не е гаранција дека ветото ќе се тргне.

-Прва или втора на дневен ред била дискусијата за проширувањето и јасно било дека сложно сите земји членки, речиси агресивно и ставиле до знањење на Бугарија дека ова е неприфатлово, не само заради тоа што принципи се во прашање, туку и геостратешки политики и на крајот заради тоа што Албанија не може да биде одвоена од Македонија и Бугарија колку и да сака да се покаже конструктивна со тоа што даде зелено светло за Албанија де факто ја блокира, изјави во Утрински брифинг дописничката на МИА од Брисел, Тања Милевска.

-Најтврди биле Германците, но и Словачка била таа што изјавила дека ЕУ си „пука сама во нога“. Претставникот на Бугарија апсолутно не флексибилно настапил, укажувајќи дека европските партнери не ја разбираат ситуацијата на Бугарија, специфичноста, длабочината на прашањето, вели Милевска.

-Ако со техничка влада не се способни да одат напред, не гледам зошто Радев би ја земал таа одговорност на свои плеќи, додава Милевска.

Целиот разговор со дописничката на МИА од Брисел, Тања Милевска, погледнете го во видеото

Напишете коментар

Вашата адреса за е-пошта нема да биде објавена. Задолжителните полиња се означени со *

1 + 20 =