Маричиќ: Академијата останува единствената точка за влез во правосудниот систем на сите кандидати под еднакви услови

You must need to login..!

Опис

Посететата во Брисел беше долгоподготвувана и фокусирана на сите оние реформски планови и чекори што сме ги преемале во рамките на правосудниот сектор. Ги претставивме чекорите поврзани со прочистувањето на судството, со дигитализацијата, борбата против корупцјата, напредокот во имплементација на препораките на извештајот од ЕУ, како и предлог новиот Закон за Академија за судии и јавни обвинители. Добивме и поттик и пофалби и куажувања и ова беше неопходно за да можеме да продолжиме по планот кој е зацртан во делот на правосудството, изјави во Утрински брифинг министерот за правда, Бојан Маричиќ.

Ако претходно главната грижа во Брисел беше нефункционалното Собрание во тој момент, како и сите проблеми околу Законот за попис, мислам дека тие прашања сега се решени. Дадоа поддршка за она што го правиме, дадоа укажувања за делови од законите кои во моментов ги работиме, но генерално посетата беше во позитивен тон. Од наша страна исто така замоливме ЕУ да не го губи фокусот и час поскоро да создаде услови за отворање на преговорите, додаде Маричиќ.

Има повеќе месечен дијалог за воведување на една прилагодена програма за оние стручни соработници кои веќе шест години во судстото или ЈО. Имаме определени нивни ставови, но сега веќе имаме некои насоки како треба да го прилагодиме законот. Она што нам ни е најважно е што ги уверивме дека Академијата останува единствената точка за влез во правосудниот систем на сите кандидати под еднакви услови, вели Маричиќ.

Главниот повод за посетата на Анкара беше да размениме искуства на академии за судии и јавни обвинители. Искуствата што ги има Турција и во делот на едукација на кадрите и во делот на дигитално функционирање мислам дека за нас се вредни.

Владата во ниту еден случај не врши никаков притисок пред Уставниот суд поврзани со аферата со Еуростандард банка. Истрагите се во рацете на обвинителството и истите треба да се заввршат бидејќи не е мал случајот, додаде Маричиќ.

Целиот разговор погледнете го во видеото

Напишете коментар

Вашата адреса за е-пошта нема да биде објавена. Задолжителните полиња се означени со *

four + 13 =