МАЛМЕД: Лекот Фавира ќе го има во сите болници, граѓаните да го примаат под строга контрола на лекар и никако на своја рака

You must need to login..!

Опис

Агенцијата за лекови одобри увоз на лекот „Фавипиравир“ кој според испитувањата дал позитивни резултати во лекувањето на Ковид-19. Директорот на МАЛМЕД Љирим Шабани денеска во Утрински брифинг на Слободна ТВ најави дека наскоро се очекува да пристигне лекот од Турција, додека za оригиналот кој треба да пристигне од Јапонија ќе треба да почекаме.

-Последниве две недели до Агенцијата за лекови пристигнаа неколку барања од болници и фармацевтски компании, за увоз на лекот Фавипиравин. Ние како агенција веднаш постапивме согласно процедурите кои ги имаме пропишано. Се обративме и до Комисијата за заразни болести и добивме извештај за оправданост од лекари и инфектолози и кога се тоа беше комплетирано, во петокот одобривме интервентен увоз на лекот Фавипиравир, рече Шабани.

Тој нагласи дека станува збор за лек кој пред шест години е регистриран во Јапонија и се користи за лекување на други болести, меѓутоа последните испитувања покажуваат дека помага при третман на Ковид-19 и се употребува во многу земји.

-Лековите кои покажуваат добри резултати во лекување на Ковид многу тешко се наоѓаат на светските пазари. Кај нас лекот ќе пристигне од Јапонија и Турција. Оргиналниот лек Авиган ќе пристигне од Јапонија. Компаниите кои треба да го донесат имаат одобрение, сега зависи од техничките услови кога најбрзо ќе го најдат, а треба да имаме во предвид дека Јапонија е далеку, па ќе треба време додека да стигне. Има компании кои истиот лек го донесат од Турција, тој го очекуваме да пристигне кај нас побрзо, рече Шабани и нагласи дека двата лека се со ист квалитет без разлика што доаѓаат од различни држави. До МАЛМЕД пристигнуваат барања за увоз на лекот од фармацевтските компании, и од страна на болниците. Лекот ќе го добијат сите приватни и државни болници, додека пак Клиниката „Мајка Тереза“ овој лек веќе го има обезбедено од донации.

Директорот на Агенцијата за лекови апелираше и кога ќе пристигне лекот да се издава под строга контрола на лекар, и никако да не биде користен на своја рака. Тој нагласи дека испитувањата кои биле направени покажале дека Фавирата дава добри резултати особено ако се прима на почеток на болеста.

-Министерството за здравство и ние како Агенцијата за лекови сме вклучени во синџирот за набавка на вакцината против Ковид-19, и верувам дека првиот момент кога ќе има достапност на вакцина, ние ќе ја добиеме во Македонија. Имаме и точни утврдени прописи на кој начин најбрзо истата да стигне до пациентите. Во Македонија можат да влезат лекови преку регистрација, Агенцијата увозможува увоз и достапност на лековите. Но, во вакви интервентни ситуации законот дозволува по скратена постапка да направиме увоз на лекови, нагласи Шабани.

Напишете коментар

Вашата адреса за е-пошта нема да биде објавена. Задолжителните полиња се означени со *

thirteen − seven =