Македонските претставници на Венециското биенале велат дека се подготвени за успешен настап

You must need to login..!

Опис

Проектот „Пејзажно искуство“ (Landscape Experience) на Роберт Јанкулоски и Моника Мотеска и Националната галерија (НГМ) е годинешен македонски преставник на 59. Венециското биенале на уметноста. Венециското биенале на уметноста ќе се отвори на 23 април, а ќе трае до 27 ноември, претходно од 20 до 23 април тоа е отворено за стручната јавност, критичари и новинари.

„Се’ е подговено, останува да се превезе делото, авторите заминуваат за Венеција во понеделник, јас, неколку дена подоцна и се надеваме на успешен настап на биеналето. Венециското биенале е една голема светска манифестација која претставува отскочна даска како за уметниците, така и за кураторите, но иза самата држава. Наша цел е да се претставиме во најдобро светло. Венециското биенале е една голема светска манифестација на уметноста во кја дефинитивно и политиките доаѓаат до израз и моќта на државите и финансиите, сето тоа се одмерува, меѓутоа добро е да видиме каде сме и колку успеваме да се вклопиме во регионалната или во европската и глобалната сцена, а последните години покажуваат дека сме релевантни “, вели Ана Франговска, виш кустос во Националната галерија и куратор на македонското претставување.

„Се работи за едно покомплексно дело кое насловот го носи од едното од видеата што ќе бидат проектирани. Самата поставка содржи две видео проекции, една подна инсталација и шест фотографии со голем формат на кои се прикажани тие отровни пејсажи. Подната инсталација се состои од 220 војнички шлемови кои заедно со Моника со години ги собиравме. На едното видео се прикажани двајца пеливани што се спремаат за борба, и ја означуваат силата и моќта на човекот. Инсталацијата со шлемови е прекриена со човечка коса како потсетување на смртта што ја сеат војните. Овој проект уште поактуелен со оглед на она што се случува во Украина, иако во декември кога конкуриравме тоа не ни беше целта и немавме поим дека ова ќе се случи“, вели за Утрински брифинг Роберт Јанкулоски, кој заедно со Моника Мотеска се македонски претствници на Венециското биенале.

Вториот дел од проектот се снимки на две места во близина на границата со Србија, каде се наоѓаат остатоците од рудникот во Лојане и таму се наоѓаат тони отровен арсен сулфид кои од 1979 година не се отстранети и го шират својот отров наоколу како тумори на земјата.

Повеќе од разговорот погледнете во видеото.

Напишете коментар

Вашата адреса за е-пошта нема да биде објавена.

eight − six =