Лутишоски од „МакедонијаПомага“: Во оваа криза битно е секој да се прилагоди и да го најде просторот и местото во бизнисот

You must need to login..!

Опис

Македонска ИТ компанија изработи платаформа МакедонијаПомага која треба да биде мост меѓу оние на кои најмногу им е потребна помош во сегашните отежнати услови на живеење поради пандемијата предизвикана од корона вирусот и оние кои можат и сакаат да им помогнат.

Околу иницијативата и целта да се изработи една ваква платформа, гостин во Утрински брифинг беше Армен Лутишоски за кого целта на оваа платформа е обезбедување на помош на оние кои имаат недостаток од ресурси (човечки и материјални) за да се справат со ситуацијата и да ги извршуваат своите дневни обврски и искористување на потенцијалот на оние кои се во можност да помогнат, со нивно правилно дисперзирање, благодарение на софтверот.

-Секој кој може и сака на кој било начин да им помогне на ранливите категории и на оние кои не се во можност (со достава на производи, лекови, донации, превоз или превозно средство на располагање и слично) може да се регистрира како волонтер на нашата платформа. Од друга страна, сите оние на кои им е потребна било каква помош, истата може да ја побараат преку платформата и ќе имаат преглед на сите регистрирани волонтери, нивната локација и она што може да им го понудат.

Лутишоски вели дека за разлика од многу земји во Швајцарија нема полициски час, туку едноставно граѓаните не се движат многу, а доколку тоа го прават се држат на дистанца.

-Во првите две недели имаше неизвесност. Имавме проекти кои се oткажаа. Но сега луѓето се навикнаа и ја сфатија неопходноста од онлајн фунционирањето. Инаку, швајцарските власти спроведоа економски мерки во висина од 60.000.000.000 швајцарски франци, додава Лутишоски.

Напишете коментар

Вашата адреса за е-пошта нема да биде објавена. Задолжителните полиња се означени со *

six − one =