Личина за УБ: Намерата на „Хејт Словени“ е да покажеме колку е застрашувачки фактот дека говорот на омраза стана секојдневие

You must need to login..!

Опис

Босанскиот магазин „Бука“ објави видео против говор на омраза насловено „Хејт Словени, уште сте живи?“. Спотот е дел од кампањата против говор на омраза која „Бука“ ја реализира во изминативе неколку месеци.

Главниот уредник на Бука, Александар Трифуновиќ изјави дека водечка нишка на кампањата е поздравот „ХЕЈ, СЛОВЕНИ“, кој е преименуван во „ХЕЈТ, СЛОВЕНИ“ за целите на приказната, бидејќи омразата стана најнормална работа, како „добар ден“ .

-Преку разговор помеѓу клиенти и работници во супермаркет, видеото покажува колку сме опседнати со говор на омраза, а ние знаеме колку е опасно и какви застрашувачки последици може да има, вели, изјави Трифуновиќ по објавувањето на видеото.

Видеото во кое главни ликови се Северина, Христина Поповиќ и Горан Богдан е дело на загрепскиот режисер и писател Предраг Личина.

За утрински брифинг Личина изјави дека спотот стана хит бидејќи е снимен според вистински случки и реални ситуации.

-Нашата намера е да покажеме колку говорот на омраза стана најнормална работа во живоот во последните 20 години. Овие грди зборови и реченици се користат во секојдневниот говор. Доаѓаме до заклучок дека во блиска иднина ние ќе говориме така, што мислам дека е престрашно. Но сметам дека народот ја сфати суштината на спотот и токму заради тоа тој стана вирален, вели Личина.

Спотот до сега е прегледан од преку 5.000.000 луѓе. Вие сте една од 30 редионални тв медиуми која во целост го пушти спотот. 70% од коментарите се позитивни , додека останатите се хејтерски. Има различни коментари, па и онакви кои велат дека целиот спот е смислен од моќно југословенско комунистичко лоби, за повторно да го обедини народот во темнината. Но јас сметам дека со видеото се кршат бариерите. Затоа и спотот брзо се прошири од Вардар па до Триглав, додаде Личина.

Случувањата со короната дупло ни ја намали работата, но се надевам дека доколку го вакцинираме континентот работите ќе се вратат во нормаа, само да не не „зезнат“ антиваксерите. Ако тие се во голем број ќе се развијат нови соеви на болеста и ова може да трае со години, смета Личина.

Целиот разговор со режисерот на „Хејт Словени“, Предраг Личина, погледнете го во видеото

Напишете коментар

Вашата адреса за е-пошта нема да биде објавена. Задолжителните полиња се означени со *

4 × 2 =