Лилјана Поповска: ГИС ќе им ја олесни работата на инспекторите

You must need to login..!

Опис

Координаторката на Граѓански инспекциски совет (ГИС), Лилјана Поповска денеска во Утрински брифинг го објасни функционирањето на ГИС и неговите надлежности.

-ГИС е формиран поради потребата за поефикасна соработка на Државниот инспекторат за животна средина (ДИЖС) со граѓанскиот сектор и граѓаните, како централна институција за контрола и казнување на загадувањето и уништувањето на животната средина. Зеленот Институт работи повеќе од две години на унапредување на инспекцискиот надзор. Бевме фокусирани на локалните овластени инспектори, при што забележавме редица проблеми во инспекцијата на животната средина, како недоволна координираност, понекогаш и недоволна обученост на инспекторите. Токму во таа насока, во подобрување на инспекциските надзори ќе работи и Граѓанскиот инспекциски совет. Оваа иницијатива ја направивме во рамки на Алијансата „Разбистри се“ која ја води Институтот за комуникациски студии, објасни Поповска.

Таа нагласи дека целта на ГИС не е да ги замени институциите.

-Идејата не е ГИС да ги замени институциите, туку да делува на нивното работење, а посебно да делува врз работењето на ДИЖС со кој потпишавме меморандум за соработка. Ќе правиме инспекција на надзорот на Државниот инспекторат за животна средина, но и врз други институции кои треба да постапуваат според заклучоците од тие надзори.Се забележува дека инспекторатот оди на терен, прави надзор и записник, ги задолжува правните субјекти соодветно да постапат меѓутоа изостануваат резултати и се развлекуваат постапките. Има загадувачи кои одбиваат да озвозможат пристап на инспекторите, нагласува Поповска.

Ќе се прави ревизија на еколошките дозволи и елаборати.

Прва активност на ГИС ќе биде доработување на Законот за инспекциски надзор во животната средина. Со тоа ќе имаме подобра регулатива во инспекцијата за животната средина. Ќе се обидеме да ги одглавиме заглавените процеси. Ќе направиме ревизија на одредени еколошки дозволи и елаборати затоа што забележливо е дека одредени дозволи кои се издавале, независно дали на општинско или на државно ниво, содржат податоци кои не се точни или за многу повисоки прагови за дозволено загадување, што мора да се промени бидејќи го дозволува загадувањето. Имаме пример на фирма која преработува опасен медицински отпад, а е сместена помеѓу фабрики за обработка на храна. Тоа е недозволиво и ние како ГИС тоа нема да го дозволиме, вели Поповска.

На Граѓанскиот инспекциски совет во секое време може да му се приклучи ново здружение кое сака да работи на подобрување на животната средина.

Напишете коментар

Вашата адреса за е-пошта нема да биде објавена. Задолжителните полиња се означени со *

16 − 2 =