Лидерите на НАТО ја прогласија Кина за глобален безбедносен предизвик во пресрет на клучната средба Бајден – Путин

You must need to login..!

Опис

-Според нашиот примерот и целата делегација Самитот на НАТО помина многу добро. Ова е еден од најклучните Самити во однос на цртање на стратегијата на Алијансата за наредните 10 години, во која учестуваше нашиот тим. Од гледна точка на Северна Македонија дефинитивно беше историски ден, изјави во Утрински брифинг дописничката на МИА од Брисел, Тања Милевска.

-На Бајден му беше важно да може вчера и денеска да настапи со еден сигурен став дека сите други земји членки стојат зад него во пресрет на клучната средба во Женева со Путин. Од гледна точка на ПР-от на Американците и од гледна точка дека не се повеќе сами во одбраната на нивните интереси беше многу важно. Што се однесува на Стратегијата НАТО 2030 важно е да се напомене дека за прв пат НАТО излезе со релативно остра реторика во однос на Кина, што до сега никогаш не било случај. Како што кажа и Столтенберг Кина никогаш до сега не била дел од заклучоците на самитите. Црвената линија се стави околу критичните инфраструктури, сајбер безбедност, дезинформации, безбедносни телекомуникации, но сетоа ова без да се заборави дека Кина е клучен партнер на НАТО на други теми. Иако самата крајна декларација на НАТО беше остра, мислам дека Столтенберг на пресот проба да ја ублажи таа реторика, бидејќи има и отпор од самите земји членки на НАТО. Настапија со обединет фронт, ако ги слушаш пресовите на Макрон или Орбан, не се толку многу убедени во таа агресивна реторика против Кина, вели Милевска.

Целиот разговор со Милевска погледнете го во видеото

Напишете коментар

Вашата адреса за е-пошта нема да биде објавена. Задолжителните полиња се означени со *

12 + 13 =