КСЗД денеска од Советот на етика во медиумите ќе побара етичко информирање во врска со групата „Лев Тахор“

You must need to login..!

Опис

Верската група „Лев Тахор“ по краткиот престој во Куманово, а потоа и во Скопје, сега се обидува мирен престој да добие во Охрид. Откако и таму беа лошо пречекани, спротивно на епитетот добри домаќини, Комисијата за за заштита од дискриминација одлучи да се позанимава со овој случај. Претседателот на Комисијата, Кире Василев денеска во Утрински брифинг рече дека станува збор на прв случај на дискриминација по основ на семитизам, за кој постапува Комисијата за заштита од дискриминација.

  • Ова е прв случај на дискриминација по основ на антисемитизам по кој постапува Комисијата за заштита од дискриминација, а се однесува на странски граѓани. Со оглед на комплицираноста на случајот, овој случај заслужува координација помеѓу повеќе институции, бидејќи има големи индиции за дискриминација, говор на омраза и дела од омраза кои се кривично правна материја што ја надминува нашата ингеренција и ја опфаќа кривично правната материја. Имаме утврдено неколку места до кои сметаме дека треба да испратиме барање за изјаснување но мора да ги доистражиме фактите односно да докажеме дека сторителите се однесувале дискриминирачки во случајот, објаснува Василев.

Тој нагласува дека се прекршени сите елементи кои се споменати во законот за дискриминација.

  • Постои сегрегација, говор на омраза, забрана на групата да го напушти објектот каде што престојува, дури и без нивна дозвола биле качени во автобус и пренесени во друг град, и покрај подмирените трошоци за престој во објектот. Ние сме една од ретките институции која изврши директен увид и разговараше со членовите од групата. Во моментов тие престојуваат во Охрид, што е познато за јавноста, но дискриминаторскиот однос со говор на омраза во моментов е префрлен дури и на сопственикот на хотелот кој дозволил престој на групата. Овој случај ќе влезе во извештај на Меѓународната заедница а тоа нема да се отслика добро за нашата држава и за нашето општество, вели Василев.

Тој повикува на соработка со медиумите и пласирање на добро проверени вести и информации.

  • Антисемитизмот значи дехуманизација, тој наратив веднаш мора да се промени, а за тоа е потребно да работиме заедно со медиумите, посебно затоа што во дел од медиумите се пласираат лажни вести, како на пример дека групата била нападната со јајца и камења или дека се искршени прозорите на објектите во кои престојуваат. Нашиот соговорник од верската група вели дека такво нешто немало. Од друга страна со пласирањето на информации дека оваа верска група се поврзува со киднапирање на деца, што е неточно и непотврдено, ја разгорува омразата кај населението. Затоа деенска сакаме да оствариме средба со Советот на етика во медиумите и да побараме да се внимава на вестите кои се соопштуваат без да се потврдени од наша официјална институција, објаснува Василев.

Комисијата за заштита од дискриминација постои само една година а најмногу претставки има за работните односи, вознемирување на работно место и пристапот до добра и услуги.

Напишете коментар

Вашата адреса за е-пошта нема да биде објавена.

seventeen − 3 =