Кранлиевски: Речиси половина од криминалот во земјава е поврзан со дрога

You must need to login..!

Опис

Постои тренд на подигнати активности и поголеми резултати во заплена на опијати. Пред неколку дена се запленети неколку пратки од различни видови дрога. Дали во Македонија се зголемува прометот со дроги или МВР станува поефикасна? За оваа тема во Утрински брифинг разговаравме со Ветон Кранлиевски, началник на оддел за сузбивање на организиран и сериозен криминал.

-Најголемиот број, 45,5 отсто, од кривичните дела се однесуваат на трговија со дрога. Од областа на недозволена трговија со дрога, транспортот со Турција сразмерот пред неколку години бил 1 килограм хероин на 10 килограми марихуана, а сега е 1 спрема 1. Сѐ уште најголем дел од заплената е марихуана која потекнува од Албанија. Дрогата поминува преку илегални премини, вели Кранлиевски.

Македонија сепак е мала земја и нема голем потенцијал за потрошувачка на значителни количини дрога. Затоа, МВР во многу случаи соработувала со странските служби со цел да се најде нарачателот, а не само оној што ја транспортира дрогата низ Македонија.

-Ние имаме одлична соработка со странските служби. Во соработка со Австрија, по наше сознание, е фатена голема количина марихуана и е откриена лабораторија. Така што и ние даваме информации, вели Кранлиевски.

За случајот со заплената на Меѓународниот аеродром, Единицата за сузбивање на недозволена трговија со дрога во соработка со службите од Турција, станува збор за дрога во вредност од 200 милиони евра. Супстанцата потекнува од Кина, а станува збор за над еден тон прекурзор за добивање на амфетамин со врвен квалитет од кој можат да се изработат 75 милиони таблети. Крајната дестинација требало да биде западна Европа.

Во врска со заплената на марихуаната, станува збор за фирма која има дозвола за производство на марихуана за медицински цели, но Кранлиевски не изнесе детали бидејќи истрагата е во тек.

-Најзастапена дрога во Македонија е марихуаната. По информациите што се достапни цената на марихуана расте, вели Кранлиевски.

Целиот разговор погледнете го во видеото

Напишете коментар

Вашата адреса за е-пошта нема да биде објавена.

twenty − eighteen =