Костов: Се надевам дека со ревитализацијата ќе се вратат занаетите кои се загубени во чаршијата – тоа би било полн погодок

You must need to login..!

Опис

Мислам дека е преувеличена работата околу реконструкција на улицата во Старата скопска чаршија. Во Старата скопска чаршија се менуваат дотраените травертински плочи, кои биле поставени во 80-тите години. Се менуваат со правоаголни травертински плочи, а ова е еден вид преодно решение, додека не се обезбеди буџет за базалтни плочи, какви што имала чаршијата во минатото.

Сето ова е направено од проекции кои се одборени и работите се одвиваат со непречено темпо.

Се создава непотребна фама и забуна во јавноста, изјави за Утрински брифинг Ацо Костов од Управа за заштита на културно наследство.

Ацо Костов во Утрински брифинг

Се менуваат травертинските плочи со кои чаршијата била поплочена во 80-тите години, кои во меѓувреме ја изгубија употребната вредност. Беа со неправилна форма, дотраени, биле вадени за некоја интервенција, па повторно вратени, дупки имаше насекаде, вирови под плочите. Се менуваат со правоаголни травертински плочи, сите со идентична форма. Ќе бидат наредени на многу подобра подлога, вели Костов.

Околу автентичниот изглед на чаршијата и неговото зачувување, Костов вели дека секој објект трпи промени.

Ацо Костов

-Се надевам дека во континуитет ќе продолжи ревитализацијата и ќе се вратат занаетите кои се загубени во чаршијата. Тоа би било полн погодок. Во светот се случуваат промените. Најдобро зачувување на објектите е кога тие се користат. Оставени сами на себе не е евозможно. Архитектурата е жива материја и во оваа заштитена зона како чаршијата дозволува креативен пристап.

Кога одите во Св. Петар во Рим имате еден куп различни бои на мермери. Тие се менуваат кога ќе ја изгубат својата боја или оштетат. Тие реконструкции се прават преку целата година.

До сега немаме добиено поплаки за реконструкцијата на улицата. Во секојдневен контакт сме со Градскиот конзерваторски центар и делумно со општината, додава Костов.

Напишете коментар

Вашата адреса за е-пошта нема да биде објавена. Задолжителните полиња се означени со *

four × 3 =