Костадинов: Реформите ќе продолжат, иако ВМРО-ДПМНЕ како расипан грамофон врти исти тези, дејстува како банда без команда, спречува носење на итни и битни закони

You must need to login..!

Опис

Добро позната пракса на ВМРО-ДПМНЕ е да се блокира буквално се што може да се блокира. Вчера стануваше збор за Закон за инвалидни органзации. кој што всушност се усогласуваше со законот за прекршоци. Ние предизбори ветивме дека ќе ги намалуваме казните, дека принципот ќе биде опомена па казна, го донесовме законот за прекрошоци, но мора да направиме усогласување со низа закони кои се пуштени во скратена постапка, за конечно на инвалидните организации да плаќаат помали казни и пред да платат таа казна да им следи опомена. За истиот овој закон, беа пријавени преку 30 пратеници од опозицијата. Интересно е што сите говори им беа идентични. Како расипан грамофон ги вртат истите три тези, кои се апсолутно неиздржани кога станува збор за Законот за инвалидни организации, изјави во Утрински брифинг пратеникот од СДСМ, Костадин Костадинов.

ВМРО-ДПМНЕ дејствува како банда без команда, од една страна е Христијан Мицкоски кој е надвор од Собрание, од друга страна го имаме Антонио Милошоски, од трета страна го имаме Ѓорѓија Сајковски кој е на линијата на Мицкоски, од четврта страна е Игор Јанушев, кој е разрешен генерален секретар на ВМРО-ДПМНЕ. Кога на координација нивниот координаторот се согласил дека седницата теба да продолжи од нивната група велат дека никој не ги известил, додава Костадинов.

Во контекст на блокадата на работата на Собранието, Костадинов посочува дека не е само вчерашниот ден и обидот за блокада, туку дека ВМРО-ДПМНЕ и досега блокирал низа важни закони – Законот за административни работници, Законот за работни односи, Законот за внатрешни работи, Законот за здравствена заштита.

-Блокираа заем од Светска Банка од 90 милиони долари, кој во најголема мерка беше наменет за здравствените установи и здравствените работници, го блокираа Деловникот, измените, со кои се предвидува пратениците кои се позитивни или имаат решенија за изолација да можат онлајн да присуствуваат на седниците, што го прави целиот развиен свет, истакна Костадинов.

Вчера беше 24.12, осум години од „црниот понеделник“ и при свирежите и навредите кои што излегуваа од устите од ВМРО-ДПМНЕ и опозициските пратеници и реков немој да ги будите духовите од тој ден, а на тоа колега од ВМРО-ДПМНЕ ми вели сега ќе биде поразлично – сега вас ќе ве тепаме. Значи нема да бидат тие новинари и пратеници од 2012 тепани, сега ние сме биле на ред, вели Костадинов.

Со вакво ВМРО-ДПМНЕ, со вакви изјави јас навистина освен тоа дека верувам во надлежните институции да спречат ваква појава, не можам да гарантирам дека тие нема повторно да посегнат по повторување на еден ваков скандал.

Целиот разговор со пратеникот Костадин Костадинов погледнете го во видеото

Напишете коментар

Вашата адреса за е-пошта нема да биде објавена. Задолжителните полиња се означени со *

3 × 4 =