Костадинов: Карневалот во Струмица ќе се одржи, не смееме да го пропуштиме јубилејот

You must need to login..!

Опис

Струмичкиот карневал годинава ќе се одржи, но од 2 до 9 март и ќе биде полокален. Се прославуваат 30 години од карневалот и ќе остане во македонски рамки со неколку гостувања.

-Иако од локален карактер оптимист сум дека достојно ќе го одбележиме јубилејот, а тредицијата ќе продолжи и покрај тоа што имавме две години пауза поради пандемијата. Јас како градоначалник ќе го предадам клучот на карневалџиите и градот во тие осум дена го преземаат тие, вели Костадин Костадинов градоначалник на Струмица.

Главната вечер е на 5 март, која исто е редуцирана и со скратена маршрута. Ќе има промоција на монографија за Струмичкиот карневал, а на 9 март ќе заврши карневалот со одбележување на Тримери. Тримери се одбележува три дена а почнува со денот на армасаните, а завршува со синии кога се пејат еротски песни, појаснува градоначалникот Костадинов за Утрински брифинг.

-Предвидувањата се дека ќе има намалување на бројките на заразени и договорено е протоколите да се почитуваат максимално. Очекуваме да имаме посетители. И да нема карневал, угостителските објекти пак ќе работат и ќе се одбележеше карневалот како што беше и претходните две години, вели Костадинов.

Општина Струмица има и т.н. Совет за превенција во кој учествуваат различни претставници од здруженија на градот. Тоа е како мал градски парламент.

-Третата седница на Советот за превенција, каде партнери се сите институции, МВР, Обвинителство, јавни претпријатија и така натаму, се одржа во последната недела од месецот. Решаваме проблеми кои ги засегаат сите. Сега зборувавме за диви продавачи на текстил на улиците. Во последните осумдесетина дена од 115 тезги на диви продавачи има само уште 3-4 кои пружаат отпор, но ќе бидат отстранети. Ние настојуваме да не ги казнуваме луѓето туку се советуваме со нив и ги упатуваме на градските пазари каде легално може да работат, да си платат данок и сѐ да биде во ред. Со ова го решаваме и проблемот на граѓаните кои редовно си плаќаат даноци и закупнини за дуќаните, вели Костадинов.

Струмица соработува со Ќустендил од Бугарија и за тоа има проект организиран со европски средства. Со Петрич имаме соработка уште од 2017 година и таа продолжува. Преку таа меѓугранична соработка, економска и културна, имаме бенефит, а и Струмица заработува 1,5 евра, вели Костадинов за Утрински брифинг. Тој додава дека соработката меѓу државите мора да се симне и на локално ниво, а Струмица и неколкуте општини во Бугарија се пример за тоа.

Целиот разговор погледнете го во видеото

Напишете коментар

Вашата адреса за е-пошта нема да биде објавена.

two × three =