Костадиновски: Во време на кризи треба да се инвестира во трајни вредности, вклучително и недвижности

You must need to login..!

Опис

Финансиски инвестиции во време на криза е темата за која во Утрински брифинг разговаравме со Коста Костадиновски, основач на Капитал Ассет Менаџмент.

-Можам да кажам дека пазарот кај нас е така структуиран што може да се направат микро и мини вложувања и од 1.000 денари. Тоа има смисла ако се прави континуирано и со тек на месеци може да се собере значителна сума, вели Костадиновски.

Вчера директорот на Македонска берза рече дека компаниите во време на криза добро стојат, а некои и почнаа да растат.

-Така и со украинската криза се појавија компании кои профитираат. Во ковид кризата се истакнаа технолошките фирми кои направија сериозен исчекор нагоре. Сега профитираат енергетски компании, вели Костадиновски.

Инвестирање на мало може да се прави сам или со пристапување во агенции и друштва кои имаат советници што посочуваат и насочуваат кон пензиски и инвестициски фондови. Кога човек сака да влезе на пазарот на капитал треба да биде информиран за тековите, коментира Костадиновски.

-За да има смисла некоја трансакција на Македонската берза треба да се инвестира во акции за свое име и своја сметка најмалку 2.000 или 3.000 евра. Друштвата лиценцирани за инвестирање за други моат да го прават истото за клиенти за поголеми суми. Се зголемува бројот на луѓе кои сакаат да инвестираат преку финансиските пазари, вели Костадиновски.

Во време на кризи треба да се инвестира во трајни вредности, вклучително и недвижности, советува Костадиновски. Годишно во просек може да се очекува 10-12 отсто приход од вложеното за долгорочни инвестиции во акции, додава тој.

Проследете го целиот разговор во видеото

Напишете коментар

Вашата адреса за е-пошта нема да биде објавена.

nineteen − 11 =