Кордалов: Сајбер булингот да се пријави веднаш штом ќе се забележи

You must need to login..!

Опис

Врсничкото насилство, односно булингот постоело одсекогаш, но во поново време истото се манифестира многу позачестно и тоа на интернет просторот. Булингот е насекаде околу нас и истиот мора да се пријави до надлежните органи како што би се пријавило и физичкото насилство, со цел да се санкционираат ваквите профили, рече денеска во Утрински брифинг комуникологот Бојан Кордалов.

  • Од сајбер булингот може да се создаде дело од насилство. Говорот на омраза е сериозна тема на која мора да се посветува внимание и да се разбере дека мора да се превенира но и да се превземат конкретни дејствија доколку ескалира. Интернет просторот служи за да дебатираме а не да се навредуваме, навредите понекогаш за жал може да доведат до сериозни несакани последици, предупредува Кордалов.

Инстант популарноста која што ја нудат социјалните мрежи создава голем притисок, завист и љубомора, многу појави кои се негативни од комуникациски аспект.

  • Границата се надминува кога престануваме да ја гледаме својата работа и почнуваме да се занимаваме со другите луѓе. Не треба да стигнеме до коментари со закани и клетви. Пред да напишете некој лош коментар, истиот кажете си го на себе, ако не ви се допаѓа вам, нема да му се допадне ниту на тој на кого му го упатувате. Има и друг, културен начин да ги искажете вашите несогласувања кон некого, вели Корадлов.

Тој нагласува дека е неопходно да се покаже за што служи интернет просторот.

Да покажеме за што служи интернет просторот, како правилно да се користи. Не затоа што некој пропишал норма за правилно користење, туку за сите да бидеме безбедни и да се чувствуваме подобро. Потребно е да направиме инклузивен простор и да водиме дебата и дискусија. Социјалните медиуми се огледало на секој од нас. Дел од луѓето се чувствуваат послободни да навредат некого кога не го гледаат во лице, поради што насилството во интернет просторот е многу застапено, објаснува комуникологот Кордалов.

Тој вели дека младите имаат сериозни предизвици, колку и да им е олеснет животот сепак мора да ги спојат двата универзума, реалниот и виртуелниот.

  • Мора да им помогнеме на младите да се изградат во вистински личности кои ќе ги почитуваат другите, а единствен начин да се направи тоа е преку комуникацијата. Ако комуникацијата ја ставиме во функција на емпатијата ќе добиеме јавен дискуср без навреди. Кај возрасните лошата комуникација влече корени од политичката некултура, но кај децата лошата комуникација ја пренесуваат возрасните. Најдобрата одбрана од булингот е креирање на инклузивно општество во кое сите луѓе, особено децата ќе бидат прифатени со своите различности и специфичности. Мора да им дадеме на младите услови за да растат и да се развиваат, додава комуникологот Бојан Кордалов.

Напишете коментар

Вашата адреса за е-пошта нема да биде објавена.

4 × two =