🎥 Кордалов: Партиите да сфатат дека градењето професионален однос со медиумите може да им направи добра презентација – црната кампања ги одвраќа луѓето од гласање

You must need to login..!

Опис

За жал се навикнавме на избори кои се за живот или смрт, за останување или доаѓање на власт и користење на сите сретства за доаѓање на власт. Она што е добро кај изборите е што имаме скоро секоја година избори па така секој може да претстави или да направи разлика.

-Но на Балканот не функционираат така работите.

Има комуникација која всадува дополнителна омраза која и онака ја имаме. Но има и неколку позитивни работи – напуштање на скапите и големи собири. Го направивме по „диктат“ од КОВИД-19, но тоа е нешто што требаше одамна да се направи. Пораката доаѓа преку медиумите. Партите мора да разберат дека градењето професионален однос со медиумите е нешто што може да им направи добра презентација, изјави во Утрински брифинг комуникологот Бојан Кордалов.

-Ако ние мериме колку време партиите посветуваат на црната и на позитивната кампања ќе видиме дека ако не еднакво, можеби нешто повеќе посветуваат на позитивната кампања. Но начинот на кој се изразуваат кога сакаат да ги оквалификуваат и навредат политичките опоненти е толку силен што едноставно пораката засенува се останато. Неспорно е дека секаде во свет има негативна мкампања, но едно е да се зацрните во кампањата, додека сосема друго е да ги посочувате недостатоците, мааните на вашите противници, вели Кордалов и додава дека секој пат кога ќе кажете дека сакате да дојдете на власт треба да кажете што нудите.

-Знаете ли кога очите на јавноста се свртија кон можноста СДСМ да дојде на власт? Тогаш кога се презентираше проектот за пврат на ДДВ. Тогаш компаниите почнаа да прават математики колку повеќе пари ќе им останат дома. Што се случи тогаш – власта направи контра-односнанаградна игра како одговор на СДСМ. Значи црна кампања имаше но предизвика промена кога се даде алтернатива.

-Црната кампања ќе го оцрни противникот, но многу повеќе може да ги натера граѓаните да не излезат да гласаат отколку да гласаат за вас.

Целиот разговор со комуникологот Бојан Кордалов погледнете го во видеото

Напишете коментар

Вашата адреса за е-пошта нема да биде објавена. Задолжителните полиња се означени со *

five × 1 =