Командантот Симоновски: Сите пожарникари се задоволни од постигнатото решение за исплата на надоместокот за ризик при работа

You must need to login..!

Опис

Денот на скопските пожарникари денеска почна со интервенција за гаснење помош во објектот на фабриката „Железара“ поради експлозија на котел од затворен тип. Додека Командантот на Бригадата за противпожарна заштита, Владимир Симоновски денеска беше во живо на Утрински брифинг, пожарникарите го гаснеа пожарот, а веднаш по исклучувањето на камерата добија повик за пожар во работилница во Трубарево.

Неизвесноста на пожарникарите е дел од нивното секојдневие, а во замена за ризикот на кој се изложени добиваат плати од 19 до 26 илјади денари. Тие со месеци се бореа да ги добијат додатоците во висина од 20 проценти кои им следуваат по основ на ризик на работно место. По протестите пред седиштето на Град Скопје, градоначалникот Петре Шилегов сепак потпишување на договор за исплата на надоместокот за ризик при работа иако првично уверуваше дека за исплатата ќе треба да го почекаат донесувањето на Законот за пожарникарство во јуни 2021 година. Командантот на Бригадата за противпожарна заштита, Владимир Симоновски денеска во Утрински брифинг објасни како настанал проблемот и како се одвиваше неговото решавање.

-Проблемот е настанат во 2014 година, а јас бев оптимист дека за брзо време ќе најдеме решение за исплата на надоместокот за ризик при работа во износ од 20 проценти на платата на пожарникарите. Решение се најде, но тоа е привремено и се однесува само на скопските пожарникари. Во првиот квартал на 2021 година според Законот за пожарникарство ќе се утврдува платата на пожарникарите на ниво на цела држава, рече командантот Симоновски и нагласи дека пожарникарите го добиле тоа што го барале Иницијативниот одбор и двата синдикати. Сепак, несогласувањата помеѓи синдикатите вчера исплива на површина, поради што Слободен печат беше сведок на расправа помеѓу Шилегов и член на Синдикатот.

-Јас сум Командант на бригада и не сум член на ниту еден синдикат. Нивното водење на синдикална политика трае со години. Ова е победа за сите пожарникари, од прв до последен. Во овој момент иницијативниот одбор беше тој што ја покрена целата иницијатива во однос на исплатата, бидејќи по нивно барање беше да се утврдат платите според судските пресуди. а дали синдикатите не ја вршат нивната работа и зошто има конфликти помеѓу нив не можам да кажам, рече Симоновски. Тој нагласи дека периодов пожарникарите се обезбедени со работна заштитна униформа, ја чекаме и 46 метарската скала за интервенција во високите градби кја во Скопје од Германија ќе пристигна на почетокот на февруари. Ќе ни недостасува доекипирање на уште неколку возила кој што треба да се покријат на цела територија на Скопје, во потцентарот во Ѓорче Петров и Драчево. Значи не ни фалат како бројка, туку како модернизација, нагласи Симоновски.

Оваа година Противпожарната бригада имала помал број на интервенции во споредба со минатата година, но пред нас е периодот во кој се употребуваат електрични грејни тела кои предизвикуваат пожари, а внимателно треба да се постапува и со новогодишните сијалички во претстојниот предновогодишен период.

Напишете коментар

Вашата адреса за е-пошта нема да биде објавена. Задолжителните полиња се означени со *

four × two =