КензО- проект на млади архитекти за разубавување на просторот кај Железничка станица

You must need to login..!

Опис

Тимот архитекти составен од д-р Радмила Томовска, д-р Ива Петрунова и Хекуран Мусли,  изработија идеен проект „КензО“, лоциран во центарот на Скопје, помеѓу Маџир Маало и Транспортниот Центар. Идејата, според архитектката Ива Петрунова е да се создаде нов зелен социјален и културен простор, но и да се разубави просторот кој веќе триесетина година е едноличен и безживотен.

-Идејата за идејниот проект „КензО“ дојде за време на долгите карантински денови кога имавме време да направиме нешто убаво за нашиот град, а е поврзано со нашата струка. Го избравме овој простор бидејќи ни изгледаше многу дехуманизиран и запуштен. Мотивирани од тоа што се случува во европските градови, одлучивме да направиме еден зелен проект кој би бил одржлив геоклиматски и би ја подобрил целокупната состојба на локацијата, рече Петрунова денеска во Утрински брифинг. Таа нагласува дека реализацијата на проектот зависи од надлежните кои треба да го имаат последниот збор за тоа дали и кога би се реализирал проектот „КензО“.

-Моментално течат разговорите со неколку општини, но потребна е поголема институционална синхронизација. Проектот наидува на многу позитивни реакции, но патот од идеја до реализација е многу долг. И да не се претвори во реалност нашиот план, би сакала во таа насока да се прават идните планови, со повеќе зелени простори и места за дружење. Бидејќи очекувањата се дека со поставување на зелениот појас ќе се намалат високите температури на воздухот кои се карактеристични токму за овој дел од градот, вели Петрунова.

Реализацијата на овој проект нема да чини многу бидејќи е правен според новите принципи на тактички урбанизам. Средства се потребни само за средување на партерот и за изработка на челичната конструкција која се обвиткува во зеленило, а проектот би бил готов за само неколку месеци.

Напишете коментар

Вашата адреса за е-пошта нема да биде објавена. Задолжителните полиња се означени со *

fifteen − 10 =