Кацарска: Средбата во Брдо не донесе ништо ново – се дијагностицираше веќе постоечката разочараност

You must need to login..!

Опис

-Проширувањето беше тема како збор. Друго прашање е дали ние ќе бидеме задоволни што стои во документот како збор или не. Средбата во Брдо не донесе ништо ново. Во принцип средбата ја дијагностицираше веќе постоечката разочараност. Во изминатава година многу појасна е фрустрацијата која што постои во Комисијата, но и улогата која што ја има ЕК во овој мандат, особено со дискусиите околу улогата која што ја има Вархеиј. Не креираат позитивна струја во однос на проширувањето, дури и од страна на оние кои што треба да го поддржуваат, изјави за Утрински брифинг Симонида Кацарска – директорка на Институтот за европска политика.

За дописничката на МИА од Брисел, Тања Милевска, од бриселска гледна точка јасно е дека главната порака која што се испраќа до јавноста во ЕУ е дека проширувањето е забавено и одложено за некое време.

-Целата таа фама околу декларацијата и вметнувањето на зборот проширување, според мене и многу луѓе кои го следат од тука беше една забава за јавноста и новинарите – да се покаже кои земји се против кои есе за. Франција да се истакне, Холандија да повторат дека се против проширувањето. Но факт е дека на крајот на денот нема ништо конкретно освен тоа зборче, а перспективата не се приближува и најјасно се гледа во нашиот случај со неспособноста д асе отворат тие преговори, изјави за Утрински брифинг дописничката на МИА од Брисел, Тања Милевска.

Целиот разговор со Кацарска погледнете го во видеото

Напишете коментар

Вашата адреса за е-пошта нема да биде објавена. Задолжителните полиња се означени со *

8 + one =