Кампања „Со точак за клима“ за поголема свест за намалување на последиците од климатските промени

You must need to login..!

Опис

Здружението на граѓани „Одржливи иницијативи“ и неформалната група скопски велосипедисти „НаТочак“ го промовираат возењето велосипед како решение за намалување на последиците од климатските промени. За таа цел промовирана е кампањата „Со точак за клима“ која има цел да ја подигне свеста кај граѓаните за придобивките од возењето велосипед.

-Точакот помага во намалувањето на климатските промени. Во време кога целиот свет се фокусира на декарбонизација и намалување на емисиите на јаглерод диоксид, точакот се појавува како средство кое дури 85 посто од емисиите на јаглерод диоксид може да ги намали во транспортот. Што повеќе луѓе на точаци, толку помалку емисии на јаглерод диоксид во градот.Според последните извештаи, 30 проценти од емисиите на СО2 потекнуваат од секторот транспорт.Одлично би било да можеме да го намалиме овој процент, возејќи точак, рече во Утрински брифинг Бојан Ранташа од „Одржливи иницијативи“. Поради стравот од коронавирусот многу луѓе одлучуваат јавниот превоз да го заменат со велосипед.

-Направивме анкета во која од 1.600 испитаници, околу 400 луѓе одговорија дека возат точак само поради страв од коронавирус. Во цел свет, не само во Европа, градските власти се фокусираат да обезбедат што повеќе велосипедски патеки за што повеќе луѓе да се префрлат на велосипедот. Поттикнати од тоа сметавме дека сега е време да се направи поактивна кампања за обезбедување на повеќе велосипедски патеки. Реално, патеки има но не се доволни. Да се биде велосипедист во Скопје значи да се биде внимателен, снаодлив и авантурист.

Една од препреките во зимскиот период е и воздухот. Но, изговори не треба да има, со маска и топла гардероба точак може да се вози и во зима, нагласува Ранташа. Кампањата „Со точак за клима“ ја поддржа и актерката Тамара Ристовска, која за потребите на кампањата сними спот во кој го претставува предизвикот да се вози велосипед во Скопје.

Напишете коментар

Вашата адреса за е-пошта нема да биде објавена. Задолжителните полиња се означени со *

fifteen − 1 =