Калач: Граѓаните се обесхрабрени да си ја бараат правдата

You must need to login..!

Опис

Неколку различни теми од сферата на правото ги интересираат граѓаните. Најактуелен е случајот со БЕГ. Оние кои на времето се исклучија од парно мораа да плаќаат на БЕГ паушат и тоа беше изведено пред судовите. Но, сега парно не добија и оние кои не се исклучени од парно.

-Против БЕГ има безброј граѓански судски процеси, но има и еден кривичен процес кој се одолговлекува а е поврзан со тоа на кој начин БЕГ ги добива во 2013 година трите лиценци. Не е можно преистраната постапка на Обвинителството да трае бесконечно. Сметам дека сите оштетени од БЕГ имаат право на тужба. Не може цела година да плаќате парно, а кога треба да не го добиете. Но, граѓаните се обесхрабрени, вели адвокатот Јасмин Калач за Утрински брифинг.

Тој додава дека граѓаните немаат друг начин да си ги остварат правата освен институционално. Исто така, прашање е зошто требаше државата да реагира за проблем со кој се соочува една приватна компанија.

И случаите со „Дурмо турс“ и со пожарт во тетовската ковид модуларна болница долго време заглавија во обвинителството.

-Смешно е образложението на тетовското обвинителство дека во Тетово има само еден овластен судски преведувач од германски јазик за да го преведе извештајот на германските истражители на пожарот. Станува збор за само седум страници. Ако Обвинителството ги прибрало сите докази, заедно со ова вештачење, ќе мора да донесат одлука дали ќе покренат обвинение или не, вели Калач.

Целиот разговор погледнете го видеото

Напишете коментар

Вашата адреса за е-пошта нема да биде објавена.

eight + 1 =