Исјановски: Не може да принудуваме луѓе на вакцинација, ама тие да не го загрозуваат здравјето на другите

You must need to login..!

Опис

По голем замав на вакцинацијата на населението сега се случува опаѓање на бројките, па така од претходно околу десет илјади вакцинирани граѓани на ден сега имаме две илјади или помалку.

-Според податоците до вчера со прва доза се вакцинирани милион ипол граѓани, со втора доза околу 700 илјади, а на дневно ниво вчера се вакцинирани 5000 граѓани. Тој пад на темпото на вакцинацијата претпоставувам дека се должи на тоа што голем број од невакцинираните беа болни. Некои сѐ уште таактизираат со трета доза, која сега е одобрена за здравствените работници и лицата постари од 60 години, вели д-р Виктор Исјановски, директор на Здравствен дом Скопје за Утрински брифинг.

Според него не треба да се лимитира кој може да се вакцинира со трета доза вакцина против коронавирус туку секој кој сака да може слободно да прими трета доза.

-Пред шест месеци бевме многу далеку, но со нашите напори постигнавме успех во вакцинацијата во Скопје. Одевме по фирми, организации, прирградски населби, старечки домови, кај лица што не можат да излезат од дома. И за еден човек мобилниот тим ќе оди да вакцинира, вели д-р Исјановски.

Во врска со антиваксерите и граѓаните кои одбиваат да се вакцинираат од различни причини д-р Исјановски вели дека секој може да мисли што сака, а дека бројот на антиваксери е релативно мал иако вревата е голема и се злоупотребуваат некои инцидентни случаи.

-На терен не е така, луѓето сакаат да се вакцинираат. Тие што не сакаат не мораат, ама не треба да го загрозуваат здравјето на другите. Мислам дека треба да се преземат мерки да не се случува загрозување на другите. На пример, мерки како ограничување на движењето, вели д-р Исјановски. З

дравствениот дом Скопје има над 60 објекти плус 2 затвори каде што исто така се вршеше вакцинирање. Д-р Исјановски вели дека има и мал број медицинари одбиваат да се вакцинираат но дека хим не може да им се наруши работниот однос, па тие редовно си ја врши работата.  Бидејќи започнува сезоната на грипови, д-р Виктор Исјановски им препорача на граѓаните да се вакцинираат против сезонски грип, а не само против коронавирусот. Целиот разговор погледнете го во видеото.

Напишете коментар

Вашата адреса за е-пошта нема да биде објавена. Задолжителните полиња се означени со *

eleven − 5 =