Исмајловска – Старова: Наместо парламентарна демократија, станавме лидерска дипломатија

You must need to login..!

Опис

Поранешната претничка Нола Исмајловска Старова во денешниот Утрински брифинг смета дека власта и опозицијата ја делат одговорноста за бокираното Собрание. За денешната втора работната група за учество во Дијалогот „Жан Моне“ вели дека не е голем оптимист дека во ваква атмосфера власта и опозицијата би можеле да се договорат за било што.

Според Исмајловска – Старова процесот „Жан Моне“ во претходниот собраниски состав речиси бил во завршна фаза и нејасно е што во овој мандат се случуваат одложувања и кочења на собраниски и комисиски седници. Собранискиот деловник за кој се разговара е највисокиот акт за функционирањето на Собранието. Од ова што го гледам во изминатите пет-шест месеци, откако собранието е конституирано, немам преголеми очекувања.

За одбивањето на опозицијaта собранието да може да функционира и електорнски, односно пратениците болни од коронавируст да можат да гласаат онлајн, поранешната пратеничка смета дека е време да почнеме да се прилагодуваме на новонастанатите услови.

-Пандемијата трае веќе една година и не можеме да заборавиме дека Шпанија на онлајн седница ја изгласа нашата ратификација за да станеме земја членка на НАТО, така да мислам дека треба да се најде решение за промените и со тоа Собранието да стане пофункционално. Собраниеот сепак е највисокото тело во оваа држава, и затоа позитивните промени треба да се случуваат и за граѓаните. Кога беше веќе прогласена пандемијата, пратениците од претходниот пратенички состав, имавме иницијатива за враќање во Собранието за да може самата држава да биде пофункционална. Сега кога имаме Собрание, некако како тоа да е помалку функционално, а навистина сметам дека не треба да биде така, вели Исмајлоска – Старова.

Екс пратеничката смета дека со секојдневните блокади со голем број на амандмани поднесени од опозициските партии на опозицијата и одговара нефункцкионалноста.

-Некако тоа не можам целосно да го разберам, затоа што мислам дека многу поголем ефект кај потенцијалните гласачи како опозиција би имале ако даваат нови предлог – закони, нови идеи, нови решенија и слично, отколку да докажуваат дека власта не може сама. Но, секако дека и власта го добила легитимитетот од гласачите за да најде начин да ги надмине тешките ситуации како оваа, сепак сметам дека одговорноста е поделена и ја има на двете страни, вели Исмајловска – Старова.

За тврдењата не дел од политиколозите дека со блокирањето на собранието целта на опозицијата е да изнуди предвремени парламентанри избори, за што и самите партии повикуваат, Исмајловска – Старова вели дека доколу навистина целта е да се изнудат предвремени парламентарни избори, треба сите да сме свесни дека нема да се случат никакви промени.

-Ќе биде два плус, или минус на една или друга страна затоа што не се случил некој голем настан за толку многу да се смени расположението. Ако некој смета дека власта добро се справува со здравствената криза може да има три плус, ако повеќето луѓе сметаат дека не се справуват добро, ќе има три минус. Во секој случај таа разлика не може да биде поразлична од сегашната. Па и со нови евентуални предвремени парламентарни избори или ќе остане ситуацијата налик на оваа сега или, моменталната опозицијата ќе има повторно некое тенко мнозинлство. Проблемот е во тоа што ние некако премногу станавме, лидерска дипломатија, наместо парламентарна демократија. Некако се се препушти партиските лидери да ги решаваат недоразбирањата. Мислам дека овие проблеми треба да се надминат со дискусија меѓу пратениците. Затоа ќе беше добро ако успееме да имаме една изборна единица. Тогаш пратениците ќе имаа повеќе свое јас, отколку да го имаат она чувство дека им должат на партиите што ги ставиле на пратеничките листи, вели Исмајловска – Старова.
Поранешната пратеничка со свои ставови и за пописот, и кавгите околу фингерпринтот меѓу власта и опозицијата.

Повеќе во видеото.

Напишете коментар

Вашата адреса за е-пошта нема да биде објавена. Задолжителните полиња се означени со *

14 − ten =