Ирена Стефоска: Годишниот конкурс на Министерството за култура е далеку од идеален, но одолеавме на сите притисоци

You must need to login..!

Опис

Невозможно е одеднаш да се решат повеќедецениски наталожените проблеми од кои што е дел и конкурсот за проекти од нациионален интерес на Министерството за култура, смета министерката за култура Ирена Стефоска. Таа вели дека е задоволна иако не може да се очекуваат идеални резултати и смета дека со промените во аплицирањето и процесот на избор на проектите се трасирал патот за подобрување на процесот.

„Да не се залажуваме дека конкурсот е идеален, свесна сум дека дел од апликаните се незадоволни и дека редица од апликациите биле отфрлени од различни причини, има и многу административни пропусти во процесот, да не се залажуваме, но постои институтот жалба така што евентуалните пропусти можатда се исправат и на тој начин, на второстепена комисија која ќе решава според процедурата“, рече министерката за култура Стефоска, во интервју за Утрински брифинг. На коментарите на албанските партии дека резултатите од Конкурсот се дискриминирачки за албанската култура, Стефоска одговара дека кога коментарите на партиите се погласни од оние на културните работници од албанската заедница а тоа значи дека победила културата.

„Партиските коментари имаат сосема други поенти и цели. Жалам што во јавноста се манипулираше со одредени бројки. Официјалните статистички податоци на Министерството за култура ја покажуваат правичната застапеност како еден од критериумите, не помалку важен о другите критериуми: квалитетот на проектот, приоритетите итн, покажуваат дека средства се доделиле: 60, 26 отсто за проекти поврзани за македонската заедница, за проекти поврзани со албанската култура – 25,96 отсто, а за проекти поврзани со другите заедници – 13,78 отсто. Ова е од линијата други корисници, бидејќи имаме други корисници и национални институции. А имаме и буџетска линија за капитални инвестиции во која најголем буџет има продолжувањето на изградбата на театарот и библиотеката во Тетово за кои се издвоени 90 милиони денари“, рече Стефоска.

Министерството за култура раскина договори за проекти во вредност од над 1 милион евра поради нереализирани проекти и неуредна финансиска документација. Стефоска вели дека овие средства повторно ќе бидат вратени во буџетот наменет за култура.

„Тука да немате дилеми, се разбира дека тие средства се враќаат во културата,откако финасиската полиција ќе си ја заврши својата работа, но ние мора најпрво да ги затвориме буџетските дупки. Сакам да истакнам дека оваа година работевме со програмски средства толку колку што имавме. Целта беше да не се пробие буџетот и пренесените обврски од лани да не се зголемат уште повеќе оваа година“, рече министерката Стефоска. За назначувањето на директор на Центарот за култура во Струмица, Стефоска вели дека има законска основа за неговото назначување, а можното решение е културните работници да предложат уметнички раководител на театарскиот ансамбл кој ќе се грижи за програмата, а и да се смени статутот на инстиуцијата којшто е во корелација со законот и тој дозволува избор на директор кој не доаѓа директно од културата.

Напишете коментар

Вашата адреса за е-пошта нема да биде објавена. Задолжителните полиња се означени со *

two × four =