🎥📞Информираност во едно демократско општество и она што значи бизнис во медиуми

You must need to login..!

Опис

Со новата уредба на владата издејствувавме да нема отпуштања, да се вратат платите на ниво од пред кризата и третиот елемент е да покажеме едка сме значен фактор на решавањето на правата и стандардот на новинарите, изјави во Утрински брифинг новинарот и колумнист, Ѕвездан Георгиевски.

-Голем број на колеги немаат постојан работен однос и со самото тоа ги немаат оние права што се добиваат со Законот за здружен труд. Според наше убедување сите мерки што ги носеше владата беа за помош на фирмите, многу малку од тоа се однесуваше на вработените и луѓето кои го создаваат профитот. Ние имавме инстинкт дека и овој пат големите медиуми и нивните газди ќе добијат бенефити во кризата, додека некои новинари беа отпуптани и со намалени плата. Затоа се насочивме на правата во работниот однос, вели Георгиевски.

Ние како синдикат бевме против директна финансиска помош на владата во било кој медиум. Затоа нашите мерки беа кон субвенционирање, ненамалување на платите и не бркање од работа. Факт е дека лажните вести и медиумската неписменост произлегуваат од порталите, па тука имавме мали недоразбирања, но задоволни сме од исходот.

-Кредибилитетот на традиционалните медиуми со новата технологија е загубен во светот. Весниците какви што ги знаеме пропаѓаат, се бараат нови платформи. Мислам дека многу сериозно треба да се размисли дали медиумите треба да бидат оставени на овој нео-либерален пазар, вели Георгиевски и додава дека треба да се најде начин и размер околу она што значи информираност во едно демократско општество и она што значи бизнис во медиуми.

Напишете коментар

Вашата адреса за е-пошта нема да биде објавена. Задолжителните полиња се означени со *

seventeen − seventeen =