Интервју со претседателот на Собранието на Северна Македонија, Талат Џафери

You must need to login..!

Опис

Овој парламент е со нов состав и има пратеници кои за прв пат се во Собранието и не до крај ги познаваат сите прописи и регулативи. Водени од желбата да се докажат уште на почетокот некогаш ги преминуваат оние етички и колегијални норми. Но тие и индивидуално одговраат пред граѓаните, а јас сум должен да укажам кога нештата не се во рамките на општата култура. Мене не ме изненадува односот и вокабуларот на одредени пратеници. И тие се избрани од граѓаните (Левица), но сепак тоа е дел од идеолошката матрица преку која се влезени во Собранието, на крајот граѓаните го кажуваат мислењето на изборите, а јас укажувам што е според процедура, што е во рамки на актите. Собранието има етички кодекс и јасно е дефинирано до каде може да одат пратеници. Вокабуларот е нивна одговорност, изјави во Утрински брифинг претседателот на Собранието на Република Северна Македонија, Талат Џафери.

Алтернативни решенија во вонредни услови

Јас уште на првата координација, имајќи ја предвид состојбата со пандемијата укажав и ја отворив темата за алтернативни решенија доколку се дојде до таа потреба – пратениците да имаат можност да се вклучат од дома, но ова веднаш наиде на нож од страна на опозицијата. Јас повторувам дека не е намерата редовната работа да се замени со онлајн, но евентуално доколку поголем број пратеници би биле заразени со вирусот да се овозможи од дома да се функционира и Собранието да биде функционално. Јас ја поставив и другата дилема – ако бидеме заробенци на прописот, а треба во нормални услови да сме, во вонредни услови тоа не треба да важи. Во ситуација, на пр. Петриња и случувањата таму, во таква ситуација кај би работеле? Во ваква ситуација би биле непотребни. Од таа причина размислив за алтернативна варијанта – не смееме да бидеме заробенци на стриктниот пропис за нормални услови. Собранието е избрано за да работи, изјави Џафери.

Декриминализација и депенализација на марихуаната

Дебата е секогаш потребна, но гледајќи ја перцепцијата на граѓаните во целина сметам дека темата за декриминализација и депенализација на марихуаната е преуранета. Кога се работи за општ однос кон граѓаните и за граѓаните, мислам дека кај мнозинството кај нив преовладува перцепцијата дека предусловите менталитет и сфаќањата по однос на овие прашања не се исти со оние во Холандија. Затоа сметам дека треба поширока и подолга дебата, но доколку мнозинството одлучи ова да помине како предлог Закон јас немам намера да го спорам, вели Џафери.

Вакцинација и што е она што не очекува во 2021

Немам причина да не верувам во целиот капитал и ум кој е вложен да се дојде до вакцина и во тој контекст науката си го има направено своето. Да, ќе се вакцинирам. Очекуваме да се ослободиме од оваа стега. Ќе имаме година и кога ќе треба да се справиме со социо-економските последици од памндемијата и конечно да се вратиме во нормала. Ќе биде тешко, но се надевам дека науката го направи своето и ќе ни овозможи нормални услови за живеење и комуникација, изјави Џафери.

Целиот разговор со претседателот на Собранието погледнете ја во видеото

Напишете коментар

Вашата адреса за е-пошта нема да биде објавена. Задолжителните полиња се означени со *

seventeen + nine =