Ида Протугер: До изнаоѓањето на инфективен лек или вакцина, во Австрија ќе има т.н нова нормала

You must need to login..!

Опис

Во Австрија до утрово има вкупно 8788 случаи на инфицирани со Коронавирусот, а бројот на смртни случаи е 96. Растот варира од ден на ден, но не е поголем од 14%. Вo последните десет дена стапката беше најниска. Но министерот за здравство објави дека пикот на заразата се очекува кон средината на април и средина на мај, изјави за Утрински брифинг од Виена, новинарката Ида Протугер.

Мерките на ограничување на движење се до 14 април, но кацеларот Курц изјави дека и по Велигден ситуацијата ќе наликува повеќе на сегашната отколку на нормалната и со тоа ги намали очекувањата дека по 14 април животот може да се врати во нормала.

Исто така властите велат дека до изнаоѓањето на инфективен лек или вакцина ќе има т.н нова нормала, значи животот нема да се врати во нормала се додека не се најдат потребните медикаменти, вели Протугер.

Движењето во Виена е ограничено на најмногу 5 лица и тие мора да бидат од исто семејство, исклучиво за да се набави, храна, да се прошета миленик. Австријците се дисциплинирани и сите ги почитуваат мерките, додава Протугер.

Напишете коментар

Вашата адреса за е-пошта нема да биде објавена. Задолжителните полиња се означени со *

5 × two =