Ивана Туфегџиќ: Да престанеме да го поставуваме прашањето дали би гласале за жена градоначалник или премиер

You must need to login..!

Опис

Нашата држава има повисока квота на учество на жените од 40 отсто во споредба со земјите од регионот кај таа квота се движи околу 30 отсто. Но кои се предизвицие на политичкото зајакнување на жените

„Мислам дека ќе мора да го отвориме прашањето за промена на изборниот модел бидејќи покажа доста недостатоци и особено околу женската репрезентативност и што тоа ќе значи за учеството на жените во сите форми на политиката и на локално, меѓутоа и на национално ниво. Колку што знам Министерството за правда има работна група која работи на измени на изборниот законик и се надевам дека ќе ги повика и женските активистки кога ќе стигне до делот на женското учество. Ние имаме врвни експерти кога се работи за изборни модели за да се предложи соодветно решение. Треба да се стремиме кон 50 отсто застапеност на жените. Тоа беше идеја во минатиот парламентарен состав и се провлекува и кај овој состав. Сметам дека е многу важно пред се’ да се менува менталитетот на самите политички партии. За жал, не верувам дека по престојните локални избори ќе имаме повеќе жени на градоначалнички позиции, затоа шо партиите веќе спроведуваат свои рејтинзи на кандидати и не знам дали ставаат жени на прашалниците.

Дополнително, мора да се има предвид една кампања е многу скапа а мора да се знае дека жените се’ помалку влегуваат во политички води, несамо поради тоа што не чувствуваат дека е дојдено времето, туку и поради финансискиот аспект. Целокупниот систем во кој жените се помалку платени од мажите се одразува и во нивното учество во кампањите за одлучувачки позиции. Покрај тоа што предвидени се буџетски средства за кампањите на партиите, секој кандидат собира одредена сума пари, а да не зборуваме за незаввисните кандидати кои би сакале да излезат на овие локални избори. Тоа практично ќе биде невозможно да се плати. Не зборувам само за големите политички партии кои на рејтинзите не ги мерат жените и сметаат дека нема да бидат добри кандидатки за дел од општините, туку зборувам за независните кандидати и за малите политички партии кои ќе излегуваат сами на изборите“, вели за Утрински брифинг, Ивана Туфегџиќ, политиколог и активистка.

Таа смета дека треба да се престане со прашањето, кое се среќава во разни истражувања, а тоа е: „Дали би гласале за жена?“ Ваквите прашања доведуваат до тоа дека жените се граѓани од втор ред, додава Туфегџиќ.

Напишете коментар

Вашата адреса за е-пошта нема да биде објавена. Задолжителните полиња се означени со *

10 − 10 =