Симовски: Пописот нема врска со политика, тој обезбедува податоци за развој на државата

You must need to login..!

Опис

Планирањата и проекциите кои се прават за креирање на политики не би можел да кажам дека се неточни, но во секој случај се базираат на рестриктивни податоци, односно се планираат без доволен фонд на свежи податоци. Резултатите во реализација на тие планови ни кажуваат колку е тоа точно или не е. Денес се е базирано на информација. Тоа што точно 18 години немаме попис дефинитивно на сите кои што го планираат развојот во државата им прави огромни проблеми, изјави во Утрински брифинг директорот на Заводот за статисктика Апостол Симовски, кој додаде дека со оглед на методот кој што сега ќе се користи, обработките на податоците ќе бидат многу побрзи.

-Пречките за спроведување на пописот се помалку формални од суштински. Пописот е активност чии резултати секој граѓанин треба да ги почуствува. Не е нешто што е тема за одредена структура на луѓе, група. Тоа е активност која треба да обезбеди податоци во интерес на сите. Намерата е да се има целосен консензус и да се спроведе на најдобар можен начин. По мене не е проблем да се изгласа Законот. Целата работа е да биде прифатен од населението. Во изминативме години сфативме колку ни недостасуваат тие податоци. Особено за креирање на развојните политики. За еден деловен субјект да го креира својот бизнисот му се потребни информации. Не е така едноставно како што во принцип се мисли. Треба да се знае каква е состојбата на пазарот на трудот, моќта на населението да конзумира одреден продукт, инфраструктурата, односно огромен сет на информации, смета Симовски.

Целиот разговор со дирекоторот на Заводот за статистика погледнете го во видеото

Напишете коментар

Вашата адреса за е-пошта нема да биде објавена. Задолжителните полиња се означени со *

11 − five =