Зиков за УБ: Сетот на владините мерки е зачувување на работните места не само во приватниот сектор, туку и во една поширока социјална сфера во општеството

You must need to login..!

Опис

Мерките кои вчера ги донесе Владата во себе проектираат краткорочност на кризата и така и треба да се гледаат. Доколку ги гледаме мерките особено во делот кај вработените и субвенцоионирањето на платите, претпоставувам дека македонската Влада проектира крај на кризава во мај месец, изјави за Утрински брифинг Љупчо Зиков, новинар и економски аналитичар.

Зиков вели дека во оваа ситуација може да се определиме за две стратегии – да броиме мртви или затворање на работни места. Трето нема во оваа ситуација.

Според него е добро што владата е фокусирана на зачувување на работните места во сите компании, во еден широк опфат, не само во приватните компании, туку во една поширока социјална сфера во општеството, на пример, јавна админстрација, култура…

-Тоа е онаа стратегија, во вакви кризи преку зачувувањето на работните места да ги помогнете компаниите да не отпуштаат за да ги задржат своите деловни концепти и бизнис планови за оваа и следните години. Така побарувачката во државата би требало да остане иста како и пред кризата. Фактот дека ние сме на почетокот на економската криза – преодот од март кон април, ни дава за право дека овој втор сет на мерки би требало во голема мера да ги ублажи ударите од здравствената кризата.

Околу ставот и позицијата на банките, Зиков смета дека тие би можеле да бидат подарежливи во кризава, но во анализата на состојбите треба да се напомене и тоа дека неплаќањето на кредитите во период од шест месеци и кај нив предизвикува негативни баланси и дупки.

-Морам да спомнам дека банките излегоа во пресрет и поради цврстиот став на Владата. Замислете да не беше тој цврст став и онаа релаксација што ја добија од НБРМ, многу банки веројатно ќе одлучуваа дали воопшто ќе влагаа во овакви програми.

-Сите ние ја понесуваме цената на оваа криза. Седењето дома и примањето на субвенции од страна на државата во суштина е најскапо. Нашето седење е најскапо и заради тоа многу е важно оваа криза што побрзо да заврши, заклучи Зиков.

Напишете коментар

Вашата адреса за е-пошта нема да биде објавена. Задолжителните полиња се означени со *

four + twelve =