Зечевиќ: Најважно е внатрешната организација да ја направиш врз принципи каде што ќе го почитуваш секој поединец и нема да заборавиш кој ти помогнал и на каков начин

You must need to login..!

Опис

-Морам да кажам дека во делот на анлизата која што ја водев јас најавив можна кандидатура. Сметам дека моментумот е тежок во СДСМ по изгубените локални избори и едноставно имав порив да застанам на браникот на партијата и да придонесам да се вратат работите во некако в колосек. ЈАс точно ги знам проблемите во партијата и на организацијата, но имајте предвид дека ова се нестандардни внатрепартиски избори. Тоа е од причина затоа што СДСМ се уште ја држи централната власт и бевме на раб да го изгубиме парламентарното мнозинство, што можеше да доведе до ситуација многу клучни процеси да влезат во критична фаза, изјави за Утрински брифинг Миле Зечевиќ, поранешен организациски секретар на СДСМ.

-Водејќи се од таквиот моментум, мислам дека секој оној човек кој долго време се занимава со политика и има сериозни размислувања во делот на заштита на државните интереси, не би си дозволил да влезе во етен таков процес, да го наруши, туку напротив со своето знаење да придонесе да се зачува и просторот, односно да и се овозможи на државата да продолжи кон ЕУ интеграциите, а во партијата да придонесе за една стабилност, бидејќи имајте предвид ако нашите коалициони партии видат дека сме слаби и неединствени, тоа ќе бидат лоши сигнали кои би довеле до предвремени парламентарни избори, додава Зечевиќ.

-Непосредните избори за прв пат се случуваат кај нас и тоа покажува за демократскиот капацитет кој го има СДСМ. Многу е тешко да успееш да направиш непосредни избори и јас би сакал таквиот процес да биде посовршен – да се има време за една подолга кампања каде што ќе можат кандидатите да се престават пред членството да анимираат поголем број на граѓани, да најдат повеќе поддржувачи кои што ќе го зголемат партискиот потенцијал, вели Зечевиќ.

-Кога се качуваме накај планината забораваме на оние кои што тргнале со нас по патот додека стигнеме до врвот. И тоа е едно лошо правило. Најважно е внатрешната организација да ја направиш врз принципи каде што ќе го почитуваш секој поединец и нема да заборавиш кој ти помогнал и на каков начин, изјави за Утрински брифинг Зечевиќ.

Целиот разговор погледенте го во видеото

Напишете коментар

Вашата адреса за е-пошта нема да биде објавена. Задолжителните полиња се означени со *

fifteen − six =