Здружението Ајнштајн направи кириличен фонт за лица со дислексија

You must need to login..!

Опис

Октомври е интернационален месец за поттикбување на националната свест за дислексијата. Овој месец го одбележуваме откако постои здружението за дислексија „Ајнштајн„ со тоа што оваа година, како и минатата, активностите се редуцирани поради пандемијата, ова денеска во Утрински брифинг го изјави Дамјан Николовски, претседател на здружението „Ајнштајн“.

Организираме вебинари и кампањи на социјалните медиуми со цел да ја сензибилизираме јавноста по ова прашање. Но, стовремено правиме и обуки за наставници, така што веќе се чувствува напредок. За разлика од порано, децата со дислексија повеќе не се сметаат за мрзеливи и незаинтересирани, туку лесно се препознава дислексијата и со поразличен пристпап им се помага на овие деца, објаснува Дамјан, кој и самиот е дислексичар.

Јас сум еден од оние примери кои многу доцна сфатив дека имам дислексија. Целиот образовен процес го поминав како дислексичар, ниту моите родители ниту пак наставниците и професорите не ја забележаа мојата состојба. За нив секогаш бев дете кое не сака да учи и има слаби оценки. Секогаш ми велеа, „премногу си интелегентен, но мрзлив“ се потсетува Дамјан.

Тој вели полека, но сигурно учениците го добиваат соодветниот третман од страна на наставниците.

Со цел да се олесни учењето на децата со дислексија, Филозофскиот факултет во соработка со здружението „Ајнштајн„ направи нов кириличен фонт Дислексик ФЗФ, кој со помош на кој значително се олеснува читањето. Издавачката куќа „Арс Ламина“ веќе има издадено лектири со овој фонт како и сликовници, но се уште нема интерес од страна на МОН да започне со печатење на учебници на фонтот Дислексик ФЗФ.

Фонтот е достапен за превземање и е достапен на нашата веб страна. Апелирам до сите училишта да го употребуваат посебно кога треба да се изработат тестови, за да можат учениците со дислексија за пократко веме да ги прочитаат и да ги разберат прашањата, вели Дамјан.

Напишете коментар

Вашата адреса за е-пошта нема да биде објавена. Задолжителните полиња се означени со *

thirteen − 7 =