За Нова година граѓаните најмногу ќе отпатуваат во Албанија и Турција

You must need to login..!

Опис

Интересот на граѓаните за патување е во согласност со ситуацијата во која се наоѓаме. Не велам дека нема интерес, но тој е значително помал во споредба со минатите години, рече денеска директорот на туристичката агенција Савана, кој зборуваше во име на Стопанската комора за туризам. 

-Не можеме да кажеме дека не постојат услови за патување, некои земји примаат туристи со ПСР тест, некои и без тест. Некаде се воведоа ограничувања поради Новогодишните празници. Најмногу се патува во Македонија, капацитетите кои се на располагање нудат програми за Нова година согласно протоколите пропишани од Комисијата за заразни болести и Министерството за здравство. Во однос на патувањата во странство, има многу мал број на групни патувања, повеќе се патува индивидуално, рече Пешевски. Најпопуларни земји за патување се Албанија и Турција, во Србија се патува помалку поради воведувањето на ПЕР тест.

-Патниците се одлучуваат да патуваат во земји каде што не е задолжителен ПСР тест и туристите се повеќе добредојдени. Најмногу се патува во Албанија и Турција, но за среќа има и такви патуваат на подалечни дестинации. Туристичките земји и покрај ограничувањата и се обидуваат да ги мотивираат туристите повторно да се вратат, гарантирајќи ја безбедонста со тоа што се придржуваат до строги протоколи, вели Пешевски. По предлог на Агенцијата за туризам уште на почетокот на кризата беше формиран комитет кои предлагаше мерки за ублажување на кризата, голем дел од тие мерки се спроведоа, но агенциите работат со загуби од речиси 90 проценти.

-Ние како Стопанска комора за туризам имавме добар увид во состојбата , како гранкова комора имаме хотелиери, агенции, туристички водичи и образовни институции. Предлозите кои ги дадовме беа многу конструктивни. Нашиот најголем промет што прометот е паднат за 90 отсто и не е коректно да се споредуваме со други гранки каде што прометот е паднат за 20-39 отсто, што беше дел од првиот сет на мерки за финансирање на платите на вработените. Добивме помош за исплата на плати, за што сме благодарни. Но, последната мерка ни даде повеќе ветер во грб бидејќи ни овозможи да ја запазиме ликвидноста. Меѓутоа, голем дел од фирмите имаа проблем да ја користат мерката бидејќи условот беше да го задржат истиот број на вработени од летните месеци, а реално никогаш во ноември немало ист број на вработени како во сезона, рече Пешевски.

Тој додаде дека треба да се сменат навиките на граѓаните и наместо сами да наоѓаат хотели за одмор, тоа да го прават со посредништво на агенциите. Македонија е значаен пазар во туристичките понуди. Пандемијата го ограничи бројот на странски гости, а домашните гости имаат навика кога одат на одмор или викенд сами да организираат патување, намето да консултираат туристичка агенција. На пример, голем процент од ваучерите за туризам кои ги добија граѓаните останаа неискористени, а доколку во мерката беа вклучени туристичките агенции. Патнички консултант има секаде во светот и редно време е и кај нас во Македонија како што имаме матичен лекар да имаме и туристички консултант

Напишете коментар

Вашата адреса за е-пошта нема да биде објавена. Задолжителните полиња се означени со *

eleven − 4 =