За безбедноста во сообраќајот не е одговорно само МВР, треба вклучување и на образовните институции, семејството

You must need to login..!

Опис

-Изминатата 2021 година според нашите статистики е најдобра година со најниски сообраќајни несреќи во последните 20 години. До сега имаме статистика од 111 жртви, за разлика од 2020 кога имавме и ограничување на движењето , изјави за Утрински брифинг Дејан Трајковски, Началник на сектор за сообраќајни безбедност во БЈБ.

-Јас сум вработен во МВР од 1992 и под 100 жртви не сме биле, но тежнееме кон тоа. Јануари 2022 во статистичка перспектива се движи во загрижувачка насока, иако се зајакнати сообраќајните контроли, можеби причината се празниците, можеби е опуштеност и кај помладите возачи. Зимски распуст е, отворени се ноќните локали, сообраќајната полиција е 24 часа на терен, презема мерки, но за жал тоа не е доволно.

-Сигурен сум дека треба да се вклучат и други институции, особено во образовниот процес, во едукативниот дел младите се оставени само на родителите. Сообраќајната едукација треба да започне од предшколска возраст, додава Трајковски.

-Статистиката покажува дека алкохолот е присутен кај помладата популација, која што на одреден начин дивеат во сообраќајот, но ние сме тука и постојано сме на терен.

Во разговорот се вклучи и портпаролот на МВР, Тони Ангеловски, според кого полицијата е присутна секаде, полицијата работи максимално и има зголемен број на санкции.

-Не постои земја каде што има нула жртви, на нашата тенденција е бркајќи ја таа нулаа да ја спуштиме бројката на жртви.

-Ние не зборуваме за перцепција, ние зборуваме за бројки. 111 жртви – рекордна година по намалувањето на бројот на жртвите. Но мора да кажеме дека безбедноста во сообраќајот не е само МВР, тоа се и образовните институции, и семејството.

-Има камери во Градот Скопје, но тие не се за сообраќајни прекршоци. Тие камери немаат технички можности, набавени се пред скоро една денценија и тогаш е направена за други потреби – за следење на луѓето. Во 2017 имаше промена на власта и беше да дадена наредба тие камери да бидат користени за решавање на проблеми околу јавниот ред и мир, разбојништва итн… Снимките се доказен материјал и помагаат во судските процеси

Целиот разговор погледенте го во видеото

Напишете коментар

Вашата адреса за е-пошта нема да биде објавена.

five × 3 =