Жарко Кујунџиски, кандидат за наградата Балканика: Кризата нѐ наврати како автори повеќе да пишуваме

You must need to login..!

Опис

Вчера ја дочекавме веста дека Жарко Кујунџиски, е македонскиот писател чиј што роман е избран за македонски претставник за наградата Балканика. Оваа награда е битна за културата оти има регионален карактер но со национален претставник. „Сфингата на гневот“ е романот кој ќе нѐ претставува оваа година.

-Тоа не е национална награда која ги реферира само локалните вредности и има посебна тежина затоа што делото е изложено на едно меѓународно жири. Станува збор за некој вид ексклузивитет. Овде станува збор за сплет од држави со различни јазици, а не само од некогашната југословенска литература. Концептот на оваа меѓународна награда е да има претставник од секоја држава. Секоја држава си бира и национален претставник, а книгата се преведува на англиски јазик за да бде достапна на сите држави кои се членки на Балканика, вели Кујунџиски за Утрински брифинг.

Овој роман е на трагата на Ден Браун, но станува збор за еден многу сериозен пристап како што образложи и жирито.

-Комисијата со тоа образложение направила многу вешта вивисекција на романот. Тој е поигрување со жанровите, но истовремено нуди уметничка литература. Сепак не станува збор за трилер што се чита набрзина. Романот спојува спротивни и многу ретко ставени во литературата моменти како што е „Името на розата“ на Умберто Еко. Тука, во овој роман станува збор з трагање по една загубена песна на Константин Миладинов, се проткајува историјата на Скопје, а приказната се одвива во Скопје и во Сплит. Тоа се моите два омилени града, ова е омаж за нив, иако се многу различни, вели Кујунџиски.

Освен приказните за градовите имате главен лик кој работи во книжарница која набргу ќе се затвори. Тоа асоцира на замирање на книжевноста.

-Две чувства се преплетуваат кај главниот лик – крајот, заморот, залезот на литературата која исто беше погодена од ковидот, но од друга страна и надежта дека пронаоѓањето на ракописот на Миладинов ќе направи пресврт, вели Кујунџиски.

Тој вели дека да не беше корона кризата веројатно романот немаше да излезе сега. Кризата нѐ наврати како автори повеќе да пишуваме, вели Кујунџиски, но додава дека е прашање колку се запазуваат некои вредности.

Наградата Балканика од кај нас ја имаат добиено Венко Андоновски и Александар Прокопиев. Кујунџиски вели дека не може да очекува дека ќе ја добие наградата, но секако се надева.

Проследете го целиот разговор во видеото

Напишете коментар

Вашата адреса за е-пошта нема да биде објавена. Задолжителните полиња се означени со *

seven + 2 =