Ерол Ризаов: Од вчера времето не работи за опозицијата – со ултиматум не се руши Влада

You must need to login..!

Опис

-Жално и тешко е сѐ она што се случува пред и по локалните избори. По големата победа на опозицијата по демократски пат можеа да се одвиваат работите. Но, одејќи по бранот на таа победа се направија погрешни постапки. Пазарењето со пратеници почна и се завлезе во амбиент на парламентарни избори, вели за Утрински брифинг еден од бардовите на македонското новинарство, Ерол Ризаов.

Тој додава дека самата оставна на премиерот дадена во емотивен момент ја разгоре желбата на опозицијата Од вчера времето не работи за опозицијата која требаше да остане да инсистира на оставката на премиерот.

-Таа коалиција на опозицијата е непринципиелна коалиција. Нема државен интерес. Како ќе падне власта ако има партии со ригидни ставови во меѓуетничите односи и спротивставени ставови за евроатлантските интеграции?, вели Ризаов.

-Тие избрзаа оти имаа сериозни информации дека ќе почнат преговорите со ЕУ. И брзаа да го искористат бранот на резултатите од локалните избори, додава тој.

Кога е во прашање ЕУ никогаш не може да се тврди дека нешто ќе се случи. Не е случајно што високи европски и американски претставници сега се низ Балканот.

-Европа не се секира за нас, се секира за себе. Ако овде настане дестабилизација, тие ќе имаат проблем. Нормално е и да имаат притисок од сопствената јавност на која ѝ преку глава од проширувањето, па треба време и начин да се објасни дека Западен Балкан е дел од Европа, вели Ризаов.

-Нема победник и тоа е апсолутно сигурно. Луѓето во ова гледаат дестабилизација. Понатаму ќе има големи тешкотии и за владата и за опозицијата. Сѐ што се случува е на штета на сите граѓани.

-Во кризни ситуации се прават заеднички влади, како во 2001 година. Но тоа се прави во исклучителни моменти. Но, тоа значи меѓусебен говор на омраза и на крајот сѐ ќе заврши со нови избори. Прашањето е кога на Македонија ѝ одговара да оди на нови избори. Прво мислам дека треба да се смири тензијата. Пред нас е тешка зима со многубројни кризи и не е добра ситуацијата, затоа треба да се постигне консензус меѓу политичките партии, ама тоа е лесно да се каже, вели Ризаов.

Целиот разговор погледнете го во видеото

Напишете коментар

Вашата адреса за е-пошта нема да биде објавена. Задолжителните полиња се означени со *

nine + 11 =