Еколошка револуција: Во Скопје се отвора Zero waste продавница

You must need to login..!

Опис

Скопје наскоро ќе ја добие првата Zero waste продавница, односно продавница во која прозиводите ќе се продаваат без амабалажа. Идејата е на Марија Арсоска која во разговор за Утрински брифинг  вели дека подготовките се при крај и многу наскоро сите кои се загрижени за намалување на отпадот од амбалажа, ќе можат да дадат свој придонес со купување на производите спакувани во амбалажа за повекратна употреба.

Концептот на Zero waste всушност претставува продажба на продукти во амбалажа која може да се употребува повеќе пати, меѓутоа и продажба на продукти без амбалажа, на мерење и точење. Поентата е нашата продавница да соработува со мали локални бизниси кои имаат можност да произведуваат производи кои ќе бидат едноставни, еколошки и лесно употребливи. Намерата е најпрво да започнеме со онлајн продажба, а потоа се надевам дека ќе можеме да отвориме и продавница во која ќе можеме да го услужиме нашите потрошувачи, објаснува Марија. Дејан Вељанов и Теодора Страшевска се соработници на Марија. Тие заедно аплицирале на Повикот за програмата RISE Journey. Повикот за апликација го забележала Марија на социјалните мрежи на организацијата АРНО, по што следувала апликацијата и добивањето на наградата. Со тоа, Skopje goes zero waste е еден од победниците на првата генерација на програмата RISE за социјални претприемачи во организација на здружението за социјални иновации „АРНО“. 

– Идејата за конзумирање на производи кои се спакувани во амбалажа која може да се користи повеќе пати ја применувам и самата. Започнав со замена на пластичните цевки за пиење со метални, наместо алуминиумска фолија, ја користам обвивката од пчелин восок за пакување на храна, користам и парфем во тврда форма, кога сакам кафето да го понесам со себе, тоа го правам  во тегла, а наместо сунѓер за садови користам четка која не морам да ја фрлам после две недели користење, вели Марија. Таа е голем оптимист дека нејзината идеја ќе наиде на поддршка и прифаќање кај населението кое ќе започне да стекнува поразлични животни навики. Според неа добро е да се почне од некаде, а тоа може да биде и од замена на пластичните ќеси за пазарење, со платнена торба.

-Не знам на каков прием ќе наидеме кај луѓето, но се надевам и верувам дека ќе ја препознаат нашата добра намера, да помогнеме во намалување на отпадот кој не се разградува. Дури и да не успее идејата доволно е што сме пробале, сме ја пласирале на пазарот и сме ја покренале свесноста, па ако не успемее ние можеби ќе дојде некој друг за 20 години, кога работите ќе бидат променети, и ќе има успех. Меѓутоа од досегашните реакции гледам дека интересот е извонреден, луѓето едвај чекаат да ја отвориме продавницата Таа додава дека соработуваат и со мали локални производители, како што е Горан Милановски од Охрид кој ги изработува дрвените производи, како четка замиење садови, држач за четки за заби и за сапун…

Напишете коментар

Вашата адреса за е-пошта нема да биде објавена. Задолжителните полиња се означени со *

4 × 2 =