Д-р Солески: Генерално сите досегашни вакцини нудат многу добар имун одговор на ковид-19

You must need to login..!

Опис

Британскиот сој на коронавирусот, од кој стравува светот поради неговото брзо ширење, пристигна и во Северна Македонија. Мутацијата била присутна веќе еден месец, а откриена е сега, при анализи во приватната лабораторија на клиниката Жан Митрев во Скопје.

Новиот сој на коронавирусот најпрво беше откриен во Велика Британија, по што молскавично почна да се шири низ Европа. Здравствените власти уверуваат дека вакцините против Ковид-19 се ефикасни и против мутациите. Новиот сој беше откриен во Шведска, Франција, Германија и Шпанија, но и во Хрватска, Словенија и во Србија.

На тема ковид-19 и вакцинацијата како превенција од пандемијата гостин во Утрински брифинг беше д-р Кирил Солески.

Со оглед на тоа дека последниве неколу недели се намалува бројката на пациенти со ковид-19, релаксирани се условите за работа со пациенти кои не контактираат за симптоми поврзани со ова заболување.

Британската варијанта на ковид 19 беше откриена во септември во Велика Британија се има појавено во 47 земји. Добра вест е што истражувачите пронајдоа дека оваа варијанта не прави полоша клиничка слика. Според истражувањата вирусот се пренесува до 70% побрзо и дека постои веројатност смртноста да е повисока за 30%, но добрата вест е што тековните вакцини се доволно ефикасни за овој британски сој. Се појави и јужно-африканскиот сој, кој според првичните информации е уште позаразен од британскиот, и она што загрижува што мутациите можат да влијаат на начинот на кој што вирусот ќе реагира на постојните вакцини, но очекува тоа во наредниот период да биде појасно.

Според препораките на американскиот Центар за контрола на болести и превенција кога се однесува на американските Фајзер и Модерна препораките се дека сите здрави луѓе постари од 16 години можат да се вакцинираат и ониепостари од 18 години можат со Модерна. Често прашање кај нас е дали лицето кое прележало ковид може да се вакцинира и одговорорт е да, може. Исто е и со доилките и бремените жени – првичните сознанија се дека можат да ги примаат, студиите не покажале негативни ефекти. Исто е и со луѓето кои имаат автоимуни болести. Единствено луѓето кои имаат тешки алергиски реакции не се препорачува вакцинација, вели Солески.

Целиот разговор погледнете го во видеото

Напишете коментар

Вашата адреса за е-пошта нема да биде објавена. Задолжителните полиња се означени со *

5 × three =