Д-р Дејаноска: Матичните лекари се на раб на егзистенцијална криза

You must need to login..!

Опис

Вчера се формираше Комората за приватно здравство, која е единствена таква иако има неколку здруженија. Во Стопанската комора има две групации од 2010 година – групација за приватно здравство и фармацевтска групација, но со зголемувањето на обемот на приватните здравствени установи се појави и потреба од оваа Комора, вели д-р Тања Дејаноска, претседател на новата Комора за приватно здравство.

-Имаме 4500 приватни ординации, најмногу матични лекари и стоматолози кои се соочуваат со сериозна егзистенцијална криза. Егзистенцијалната криза не ја почувствуваа приватните лаборатории и болници во времето на пандемијата. Но, да не беа приватните болници со ковид кризата ќе доживеевме чума, вели д-р Дејаноска.

Од Комората најавија и формирање на работни групи бидејќи проблемите се големи. Буџетот е затворен, па Владата ќе мора да интервенира оти ќе останеме без примарно здравство, вели д-р Дејаноска.

-Ние сме единствена држава во која за време на пандемија се казнуваа матични лекари и бараме да се повлечат тие казни. Ние имаме платформа за комуникација со државните релевантни институции. Имаме проблем со законските решенија кои или не функционираат или не се донесени. Во Законот за здравствена заштита, на пример, се оспорува сопственоста, вели д-р Дејаноска.

Матичните лекари се единствените кои според Законот за работни односи немаат работно време и работат 24/7. Капитацијата е 63 денари по пациент за што пациентот може неограничено да се обрати кај матичниот лекар во текот на месецот. Со постојаното јавување кај матичниот лекар поради потребите што произлегоа од ковид, лекарите се преоптоварија, вели д-р Дејаноска.

-Сериозна е ситуацијата во примарното здравство. Лекарите си заминуваат од државата, а бројот на популација не расте па бројот на пациенти за кои се добива капитација се намалува, вели д-р Дејаноска.

Таа додава дека трошоците со ковид неколкукратно се зголемија, почнувајќи од основните материјали за работа како што се работниците, па сѐ до цената на струјата оти ординациите плаќаат индустриска струја.

-Нашите барања се коректни оти две години работиме без одмор, во вонредна состојба кога се нема право на одмор. Приватните здравствени институции се на инвеститорот, но пациентите се водат на докторот. Не треба да се сфати дека ние бараме нешто нереално. Пред неколку години матичните лекари беа 1800, а сега се 1400. Мора да се подобрат условите за лекарите да не заминуваат, вели д-р Дејаноска за Утрински брифинг.

Проследете го целиот разговор во видеото

Напишете коментар

Вашата адреса за е-пошта нема да биде објавена.

five − three =