🎥📞 Д-р Гагачовска: Добро се справуваме со КОВИД, но персоналот е веќе изморен – Мерките мора да се почитуваат!

You must need to login..!

Опис

Од 7 април Клиничка болница – Битола е регионален КОВИД центар. Во моментов имаме 33 хоспитализирани пациенти. Морам да кажам дека добро се справуваме, но персоналот е изморен, постојано е на работа, изјави за Утрински брифинг, Д-р Билјана Гагачовска.

-Испративме екипа од три медицински сестри по барање на Министерството за здравство за помош во ГОБ „8 септември“. Но морам да кажам дека персоналот три месеци без престан работи во првите борбени редови и се навистина изморени. Секојдневно сме во контакт со министерот и другите служби. За среќа сега за сега состојбата со заболен медицински кадар е стабилна. Имаме само неколку лица во изолација. Вирусот е подмолен. Ние мора да внимаваме постојано, но поради постоењето на асимптоматските случаи не можеме да знаеме кога се доаѓа во контакт со заразата. Затоа и мора да се почитуваат мерките. На работното место се почитуваат протоколите, вели Гагачовска и додава дека операциите и се што е итно и неодложно, се хоспитализира и се работи интензивно.

-Во нашата болница немаме услови за лекување со крвна плазма, имајќи предвид дека тука се згрижуваат средно тешки и тешки пациенти. Најтешките се испраќаат во Скопје. А по однос на тоа дали има донатори, не можам да ви одговорам бидејќи тоа спаѓа под трансфузиологија која не е под надлежност на Клиничка болница – Битола, изјави за Утрински брифинг Д-р Билјана Гагачовска.

Напишете коментар

Вашата адреса за е-пошта нема да биде објавена. Задолжителните полиња се означени со *

five × one =